ଚାରିଛକ (ନିମାପଡ଼ା): ଆଜି ସକାଳେ ପୁରୀ ଜିଲ୍ଲା ଅନ୍ତର୍ଗତ ନିମାପଡ଼ା ଅଞ୍ଚଳର ଚାରିଛକସ୍ଥିତ ଏକ ଉଚ୍ଚ ପ୍ରାଥମିକ ବିଦ୍ୟାଳୟର ଶ୍ରେଣୀ ଗୃହରେ ଜଣେ ଶିକ୍ଷକ ଫାଶୀ ଦେଇ ଆତ୍ମହତ୍ୟା କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆତ୍ମହତ୍ୟା କରିଥିବା ଶିକ୍ଷକଜଣକ ହେଉଛନ୍ତି ସ୍ଥାନୀୟ ଜାଗେଶ୍ୱର ଗ୍ରାମର ୪୫ ବର୍ଷୀୟ ଆର୍ତ୍ତତ୍ରାଣ ସ୍ୱାଇଁ। ସେ ଧୀରପୁରସ୍ଥିତ ସରକାରୀ ପ୍ରକଳ୍ପ ପ୍ରାଥମିକ ବିଦ୍ୟାଳୟରେ ଶିକ୍ଷକତା କରନ୍ତି।
ଆଜି ସକାଳ ୯: ୩୦ ପରେ ସ୍କୁଲ୍ର ଅନ୍ୟ ଶିକ୍ଷକ ଓ କର୍ମଚାରୀମାନେ ପହଞ୍ଚି ଶ୍ରେଣୀଗୃହରେ ଆର୍ତ୍ତତ୍ରାଣଙ୍କ ମୃତଦେହ ଝୁଲୁଥିବା ଦେଖିଥିଲେ। ଖଣ୍ଡେ ବିଜୁଳି ତାର ଯୋଗେ ସେ ଶ୍ରେଣୀଗୃହରେ ଲାଗିଥିବା ଫ୍ୟାନ୍ରେ ଫାଶୀ ଦେଇଥିବା ଦେଖାଯାଇଥିଲା।
ଖବର ପାଇ ନିମାପଡ଼ା ପୁଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି।
ଆର୍ତ୍ତତ୍ରାଣଙ୍କ ଆତ୍ମହତ୍ୟାର କାରଣ ଜଣାପଡ଼ିନାହିଁ। ସବୁଦିନ ପରି ଆଜି ସକାଳେ ମଧ୍ୟ ଆର୍ତ୍ତତ୍ରାଣ ପିଲାମାନଙ୍କୁ ଟିଉସନ୍ ଦେବାକୁ ସ୍କୁଲ୍କୁ ଆସିଥିଲେ।
ବ୍ୟବଚ୍ଛେଦ ଲାଗି ତାଙ୍କ ଶବ ଚାରିଛକ ଡାକ୍ତରଖାନାକୁ ପଠାଯିବ।