ଓଡ଼ିଶାରେ ପ୍ରବଳ ଗ୍ରୀଷ୍ମପ୍ରବାହ ଜାରି, ଟିଟିଲାଗଡ଼ ତାପମାତ୍ରା ୪୫ ଡିଗ୍ରୀ ଟପିଲା
ଭୁବନେଶ୍ୱର : ରାଜ୍ୟରେ ପ୍ରବଳ ଗ୍ରୀଷ୍ମପ୍ରବାହ ଜାରି ରହିଛି । ଆଜି ପ୍ରଥମ ଥର ପାଇଁ ତାପମାତ୍ରା ୪୫ ଡିଗ୍ରୀ ଟପିଛି । ଏହି ତାପମାତ୍ରା ଟିଟିଲାଗଡ଼ରେ ରେକର୍ଡ କରାଯାଇଛି । ରାଜ୍ୟର ୧୪ଟି ସହରର ତାପମାତ୍ରା ୪୦ ଡିଗ୍ରୀ ଉପରେ ରହିଛି ।
Sambad is now on WhatsApp
Join and get latest news updates delivered to you via WhatsApp
ସେହିପରି ଆଜି ବଲାଙ୍ଗୀରରେ ୪୩.୫ ଡିଗ୍ରୀ, ତାଳଚେରରେ ୪୩.୩ ଡିଗ୍ରୀ, ସୋନପୁରରେ ୪୩.୨ ଡିଗ୍ରୀ, ଝାରସୁଗୁଡ଼ାରେ ୪୩, ଅନୁଗୁଳ ୪୨.୭ ଡିଗ୍ରୀ , ଭବାନୀପାଟଣା ୪୨.୬ ଡିଗ୍ରୀ, ମାଲକାନଗିରି ୪୨.୫ ଓ ସମ୍ବଲପୁରରେ ୪୨.୭, ହୀରାକୁଦରେ ୪୨ ଓ ଅନୁଗୋଳରେ ୪୨.୬ ଡିଗ୍ରୀ, ସୁନ୍ଦରଗଡ଼ ୪୨ ଡିଗ୍ରୀ ଓ ଫୁଲବାଣୀ ୪୧.୬ ଡିଗ୍ରୀ, ଚାନ୍ଦବାଲି ୪୦.୭ ଡିଗ୍ରୀ ରେକର୍ଡ କରାଯାଇଛି । ତେବେ ଆଶ୍ବସ୍ତିର କଥା ଯେ ରାଜଧାନୀ ଭୁବନେଶ୍ବରର ତାପମାତ୍ରା ଆଜି ୪୦ ଡିଗ୍ରୀ ତଳେ ରହିଛି । ଆଜି ଭୁବନେଶ୍ବର ତାପମାତ୍ରା ୩୯.୪ ଡିଗ୍ରୀ ଥିଲା । ଗତ ସପ୍ତାହରେ କ୍ରମାଗତ ଭାବେ କିଛି ଦିନ ଭୁବନେଶ୍ବର ଓଡ଼ିଶାର ସବୁଠାରୁ ଉତ୍ତପ୍ତ ସହରର ମାନତା ପାଇଥିଲା । ସେହିପରି କଟକର ତାପମାତ୍ରା ଆଜି ୩୯.୮ ଡିଗ୍ରୀ ରହିଥିଲା । ସେହିପରି ପୁରୀର ତାପମାତ୍ରା ୩୩ ଡିଗ୍ରୀ ଥିଲା ।