ଦେଉଳି: ନିମ୍ନମାନର କାମ ପାଇଁ ମୟୂରଭଞ୍ଜ ଜିଲ୍ଲା ଜମ୍ଭିରା ଡ୍ୟାମ୍, ଦେଉଳିର ବାମପଟ କେନାଲ ବନ୍ଧ ଧୋଇ ଯାଇଥିବା ଅଭିଯୋଗ ହୋଇଛି। ଗତକାଲି ବିଳମ୍ବିତ ରାତିରେ ନେଢ଼ୁଆ ପୋଲ ନିକଟସ୍ଥ ଡାହାଣୀମାରି ଠାରେ ମୁଖ୍ୟ କେନାଲରେ ଘଳିଆ ସୃଷ୍ଟି ହୋଇ ପ୍ରାୟ ୩୦ ଫୁଟ୍ ଓସାରର ବନ୍ଧ ଧୋଇ ଯାଇଥିଲା। ଫଳରେ ତଳିଆ ଅଞ୍ଚଳରେ ପାଣି ମାଡ଼ିଯାଇଛି।
Sambad is now on WhatsApp
Join and get latest news updates delivered to you via WhatsApp
ସ୍ଥାନୀୟ ଲୋକଙ୍କ କହିବା କଥା ହେଲା ନିମ୍ନମାନର କାମ ପାଇଁ ଅନେକ ଦିନ ହେଲା ଘଳିଆ ହୋଇଥିବା ସ୍ଥାନରେ ବନ୍ଧ ଦୁର୍ବଳ ହୋଇ ଟିକେ ଟିକେ ଧୋଇ ଯାଉଥିଲା। ବାରମ୍ବାର ଏ ନେଇ ଦୃଷ୍ଟି ଆକର୍ଷଣ କରା ଯାଇଥିଲେ ବି ବିଭାଗୀୟ କର୍ତ୍ତୃପକ୍ଷ ଏହାର ମରାମତି କଲେ ନାହିଁ। ଫଳରେ ଏଭଳି ଅଘଟଣ ଘଟିଲା ବୋଲି ଲୋକେ ଅଭିଯୋଗ କରିଛନ୍ତି। ବନ୍ଧ ଧସିବା ସମ୍ପର୍କରେ ଆମେ ବିଭାଗୀୟ ଯନ୍ତ୍ରୀ ପ୍ରକାଶ ଉଦଣ୍ଡ ରାୟଙ୍କୁ ପଚାରିବାରୁ ସେ କହିଲେ, ମୂଷାଗାତ ଓ ସାପଗାତ ପାଇଁ ଉକ୍ତ ସ୍ଥାନରେ ବନ୍ଧ ଦୁର୍ବଳ ହୋଇ ଯାଇଥିଲା। ଯୁଦ୍ଧକାଳୀନ ଭିତ୍ତିରେ ବନ୍ଧ ମରାମତି କାର୍ଯ୍ୟ ଚାଲିଥିବା ସେ କହିଛନ୍ତି।