ବିଜେଡି କର୍ମୀଙ୍କୁ ଆକ୍ରମଣ କରିଥିବା ବିଜେପି କର୍ମୀଙ୍କୁ ଗିରଫ କରାଯାଉ : ବିଜେଡି

ଭୁବନେଶ୍ବର : ବିଜେଡି କର୍ମୀ ସଞ୍ଜୁ ବରିହାଙ୍କୁ ଗତ ୨୪ତାରିଖରେ ବିଜେପି କର୍ମୀ ରିଙ୍କୁ ମେହେର ଓ ତାଙ୍କର କିଛି ସାଥୀ ମରଣାନ୍ତକ ଆକ୍ରମଣ କରିଥିଲେ। ତାଙ୍କ ମୁଣ୍ଡରେ ଗଭୀର ଆଘାତ ‌ଲାଗିଥିବା ବେଳେ ଏବେ ସେ ବୁର୍ଲାର ଭିମ୍‌ସାରରେ ଚିକିତ୍ସିତ ହେଉଛନ୍ତି। ଏହି ଜଘନ୍ୟକାଣ୍ଡର ଘଟିବାର ଦୁଇଦିନ ପରେ ବି ଅଭିଯୁକ୍ତ ଗିରଫ ନ ହେବା ଦୁର୍ଭାଗ୍ୟଜନକ। ଏହି ଘଟଣାର ପ୍ରମାଣ ରହିଛି। ଆକ୍ରମଣ ପାଇଁ ପ୍ରୋତ୍ସାହନ ଦେଇଥିବା ବିଜେପି ନେତାଙ୍କୁ ତଦନ୍ତ ପରିସରଭୁକ୍ତ କରିବା ଲାଗି ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଦାବି କରିଛି ବିଜୁ ଜନତା ଦଳ।