ପୁରୀ: ପୁରୀ ବେଳାଭୂମିରେ କୂଳ ଲଂଘିଛି ଅଶାନ୍ତ ସମୁଦ୍ର। ଆଜି ଅପରାହ୍ଣରେ ସମୁଦ୍ର ଲହଡ଼ି ବିସ୍ତୃତ ଅଞ୍ଚଳରେ ବେଳାମାର୍ଗକୁ ଧୋଇନେଇଛି। ଲାଇଟ୍ ହାଉସ୍ଠାରୁ ମଙ୍ଗଳା ମୁହାଣ ପର୍ଯ୍ୟନ୍ତ ୩ ରୁ ସାଢ଼େ ୩ ଫୁଟ ଗଭୀରତାରେ ଗର୍ତ୍ତମାନ ସୃଷ୍ଟିହୋଇଛି।
ଲଘୁଚାପଜନିତ ବର୍ଷା ଯୋଗୁ ଆଜି ପୁରୀ ଜିଲ୍ଲାରେ ଦିନତମାମ ବର୍ଷା ଲାଗି ରହିଥିଲା। ସକାଳୁ ପାଗ ମେଘୁଆ ରହିବା ସହ ଝିପିଝିପି ବର୍ଷା ଆରମ୍ଭ ହୋଇଥିଲା। ପରେ କଳା ହାଣ୍ଡିଆ ମେଘ ମାଡ଼ି ଆସିବା ସହ ତୁହାକୁ ତୁହା ବର୍ଷା ହୋଇଥିଲା। ଅପରାହ୍ଣ ପର୍ଯ୍ୟନ୍ତ ବର୍ଷା ଲାଗି ରହିବା ପରେ ବର୍ଷାର ପରିମାଣ କମିଥିଲେ ମଧ୍ୟ ମେଘୁଆ ପାଗ ଲାଗିରହିଛି।
Sambad is now on WhatsApp
Join and get latest news updates delivered to you via WhatsApp
ଆଗକୁ ପୂର୍ଣ୍ଣିମା ଥିବାରୁ ସମୁଦ୍ର ଆହୁରି ଅଶାନ୍ତ ରହିବା ସହ ବେଳାମାର୍ଗକୁ ଅଧିକ କ୍ଷତି କରିବା ଆଶଙ୍କା ରହିଛି। ଆଜି ଅଶାନ୍ତ ସମୁଦ୍ର ଜୁଆର ସ୍ବର୍ଗଦ୍ବାରର ବହୁ ନିକଟରେ ଲହଡ଼ି ଭାଙ୍ଗିଥିଲା। ମଙ୍ଗଳା ମୁହାଣରେ ଏହା ଅଧିକ ଆଗକୁ ମାଡ଼ି ଆସିବା ସହ ବେଳାମାର୍ଗକୁ ଧୋଇନେଇଥିଲା।