କଟକ : ଅଦାଲତ ଓ ତଦନ୍ତକାରୀ ଏଜେନ୍ସି ଗୁଡିକର ମାଲଖାନାରେ ପଡ଼ି ରହିବା ଜବତ ଡ୍ରଗ୍ସ ପ୍ରସଂଗରେ ତ୍ବରିତ ପଦକ୍ଷେପ ଗ୍ରହଣ ଉପରେ ହାଇକୋର୍ଟ ଗୁରୁତ୍ବ‌ାରୋପ କରିଛନ୍ତି। ଏଥି ସହିତ ଜବତ ଡ୍ରଗ୍ସ ନଷ୍ଟ ପ୍ରସଂଗରେ ରାଜ୍ୟ ସରକାର ବିଶେଷ କରି କ୍ରାଇମବ୍ରାଞ୍ଚ ଏସଟିଏଫ୍ ପକ୍ଷରୁ ଗ୍ରହଣ କରାଯାଇଥିବା ପଦକ୍ଷେପକୁ ନେଇ ହାଇକୋର୍ଟ ସନ୍ତୋଷବ୍ୟକ୍ତ କରିଛନ୍ତି।

Advertisment

ସୋମବାର ଦିନ ମୁଖ୍ୟ ବିଚାରପତି ଡକ୍ଟର ଜଷ୍ଟିସ ଏସ.ମୁରଲୀଧର ଓ ଜଷ୍ଟିସ ‌େଗୗରୀଶଙ୍କର ଶତପଥୀଙ୍କୁ ନେଇ ଗଠିତ ଖଣ୍ଡପୀଠରେ ଏ ସଂପର୍କିତ ମାମଲାର ଶୁଣାଣି ସମୟରେ ରାଜ୍ୟ ସରକାରଙ୍କ ତରଫରୁ ଦାଖଲ ସତ୍ୟପାଠରେ ଉଲ୍ଲେଖ କରାଯାଇଥିଲା ଯେ ଏନଡିପିଏସ ଆଇନ ଅନୁସାରେ ଜବତ ହୋଇ ଅଦାଲତ ଓ ଥାନା ମାଲଖାନା ଗୁଡିକରେ ଥିବା ନିଶାଦ୍ରବ୍ୟ ଗୁଡିକୁ ହାଇକୋର୍ଟଙ୍କ ନିର୍ଦ୍ଦେଶ ପାଳନ କରି ନଷ୍ଟ କରାଯାଉଛି। ଇତିମଧ୍ୟରେ ୧୭୦ ଟନ୍ ଜବତ ଗଞ୍ଜେଇ ନଷ୍ଟ କରାଯାଇଛି। ସେହିଭଳି ଭାବେ ୬୨ କିଲୋ ବ୍ରାଉନସୁଗାର ମଧ୍ୟ ନଷ୍ଟ କରାଯାଇଛି। ଆଉ ୪୦୬ କୁଇଣ୍ଟାଲ ୩୩ କିଲୋ ଗଞ୍ଜେଇ ନଷ୍ଟ ପାଇଁ ପ୍ରକ୍ରିୟା ଜାରି ରହିଛି। ଏହି ପ୍ରସଂଗରେ ପରବର୍ତ୍ତୀ ଶୁଣାଣି ପୂର୍ବରୁ ସାନି ସ୍ଥିତି ନେଇ ସତ୍ୟପାଠ ଦାଖଲ ପାଇଁ ହାଇକୋର୍ଟ ଆଜି ନିର୍ଦ୍ଦେଶ ଦେଇଛନ୍ତି। ୨୦୨୩, ଜୁଲାଇ ୨୦କୁ  ମାମଲାର ପରବର୍ତ୍ତୀ ଶୁଣାଣି ହେବ। ସରକାରଙ୍କ ପକ୍ଷରୁ ଏଜିଏ ଜନ୍ମେଜୟ କଟକିଆ ମାମଲା ପରିଚାଳନା କରୁଛନ୍ତି।