ଖୋର୍ଦ୍ଧା: ଖୋର୍ଦ୍ଧା ସଦର ଥାନା ଅଧୀନ ଏକ ଗାଁରେ ଦୁଇ ଦିନ ପୂର୍ବେ ଜଣେ ନାବାଳିକାକୁ ତାଙ୍କ ପରିବାର ସଦସ୍ୟ ବଳପୂର୍ବକ ବିବାହ କରିବାକୁ ଉଦ୍ୟମ କରୁଥିବା ଖବର ପାଇ ସ୍ୱେଚ୍ଛାସେବୀ ସଂଗଠନ, ପୁଲିସ ଓ ଚାଇଲ୍ଡ ଲାଇନ୍ ସହାୟତାରେ ଏହାକୁ ବନ୍ଦ କରାଯିବା ସହ ନାବାଳିକାଙ୍କୁ ଉଦ୍ଧାର କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ଜଣେ ନାବାଳିକାଙ୍କୁ ଘରେ ବନ୍ଦ କରି ତାଙ୍କ ପରିବାର ସଦସ୍ୟମାନେ ବଳପୂର୍ବକ ବିବାହ କରିବାକୁ ଉଦ୍ୟମ କରୁଥିବା ନେଇ ଅନ୍ତର୍ଜାତୀୟ ମାନବାଧିକାର ପରିଷଦର ରାଜ୍ୟ ସଭାପତି ସସ୍ମିତା ଦାଙ୍କୁ ସୂଚନା ମିଳିଥିଲା । ଏନେଇ ସେ ଖୋର୍ଦ୍ଧା ଏସ୍ପି ଅଲେଖ ପହି ଓ ଚାଇଲ୍ଡ ଲାଇନ୍ ସହ ଯୋଗାଯୋଗ କରି ଘଟଣାସ୍ଥଳରେ ପହଂଚି ନାବାଳିକାଙ୍କୁ ଉଦ୍ଧାର କରି ଚାଇଲ୍ଡ ଲାଇନ୍କୁ ହସ୍ତାନ୍ତର କରିଥିଲେ ।
ଏନେଇ ସୂଚନା ଦେଇ ସସ୍ମିତା ଦାସ କହିଛନ୍ତି ଯେ ଘଟଣା ସମ୍ପର୍କରେ ସୂଚନା ଦେବା ପରେ ପୁଲିସ ଓ ଚାଇଲ୍ଡ ଲାଇନ ତୁରନ୍ତ ସହଯୋଗ କରିଥିଲେ । ପୁଲିସ ଏସ୍ଆଇ, ଚାଇଲ୍ଡ ଲାଇନ୍ର ମଣିପାଲ୍, ପରିଷଦର ସଭ୍ୟା ସସ୍ମିତା ସାହୁ, ସ୍ୱର୍ଣ୍ଣମୟୀ ରାଉତ ଘଟଣାସ୍ଥଳରେ ପହଂଚି ନାବାଳିକାଙ୍କୁ ଉଦ୍ଧାର କରିଥିଲେ ।