ଝାରସୁଗୁଡ଼ାରେ ଲଜ୍ଜା: ଗର୍ଭବତୀ ହେଲେ ବଡ଼ଭାଇ ଦ୍ୱାରା ଦୁଷ୍କର୍ମର ଶିକାର ନାବାଳିକା
ଝାରସୁଗୁଡ଼ା : ଝାରସୁଗୁଡ଼ାରେ ଲଜ୍ଜା। ଜଣେ ନାବାଳିକା (୧୪)ଙ୍କୁ ତାଙ୍କ ବଡ଼ଭାଇ ବାରମ୍ବାର ଦୁଷ୍କର୍ମ କରିଥିବା ଓ ସେ ଏବେ ଗର୍ଭବତୀ ଥିବା ଘଟଣା ସାମ୍ନାକୁ ଆସିଛି। ଲଖନପୁର ଥାନାଞ୍ଚଳରେ ଘଟିଥିବା ଏହି ଘଟଣା ଆଜି ତୀବ୍ର ଆଲୋଡ଼ନ ସୃଷ୍ଟି କରିଛି। ଏନେଇ ଅଭିଯୋଗ ହେବାରେ ପୁଲିସ ଏକ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିଛି। ସେପଟେ ନାବାଳିକା ଓ ଅଭିଯୁକ୍ତର ଡାକ୍ତରୀମାଇନା କରାଯିବା ସହ ନାବାଳିକାଙ୍କର ବୟାନ ମଧ୍ୟ ରେକର୍ଡ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଲଖନପୁର ଅଞ୍ଚଳର ଏହି ନାବାଳିକା ଯୌଥ ପରିବାରରେ ରୁହନ୍ତି। ପ୍ରାୟ ୫ ମାସ ତଳେ ଦିନେ ସେ ଶୋଇଥିବା ଅବସ୍ଥାରେ ତାଙ୍କ ଭାଇ(ବଡ଼ବାପା ପୁଅ ) ତାଙ୍କ ପାଟି ଚିପି ଅନ୍ୟ ଏକ ଘରକୁ ନେଇ ସେଠାରେ ଦୁଷ୍କର୍ମ କରିଥିଲା। ଘଟଣା ସମ୍ପର୍କରେ କାହାକୁ କିଛି ଜଣାଇଲେ ଜୀବନରୁ ହତ୍ୟା କରିଦେବାକୁ ଧମକ ବି ଦେଇଥିଲା। ଏହାପରଠାରୁ ନାବାଳିକାଙ୍କ ବାପା-ମା’ କାମକୁ ଯାଇଥିବା ବେଳେ ନାବାଳିକାଙ୍କୁ ଏକୁଟିଆ ପାଇ ତାଙ୍କୁ ବାରମ୍ବାର ଦୁଷ୍କର୍ମ କରି ଆସୁଥିଲା। ୨ ଦିନ ତଳେ ନାବାଳିକା ଗର୍ଭବତୀ ବୋଲି ତାଙ୍କ ପରିବାର ଲୋକେ ଜାଣିବା ପରେ ତାଙ୍କୁ ଘଟଣା ସମ୍ପର୍କରେ ପଚାରିଥିଲେ। ଏହାପରେ ତମାମ୍ ଘଟଣା ସାମ୍ନାକୁ ଆସିଥିଲା।