ହାଟଡିହି: ପୂର୍ବ ବିବାଦକୁ ନେଇ ସୋସୋ ଥାନା ଝଣଝଣା ଗ୍ରାମରେ ମା’ପୁଅକୁ ମାଡ଼ ମରାଯାଇଥିବା ଅଭିଯୋଗ ହୋଇଛି । ମାଡ ମାରିବାର ସମାଧାନ ପାଇଁ ଗାଁରେ ବୈଠକ ବସିଥିବାବେଳେ ଏପଟେ ମା’ ପୁଅଙ୍କ ଘର ପୋଡ଼ିଯିବା ଘଟଣା ଚର୍ଚ୍ଚାର ବିଷୟ ପାଲଟିଛି। ଖବରରୁ ଜଣାଯାଇଛି ଯେ ଦିପୁ ପଲେଇ ଓ ତାଙ୍କ ସ୍ତ୍ରୀ କୁନିଙ୍କ ମଧ୍ୟରେ ଘରୋଇ କଳିକୁ ନେଇ ଝଗଡା ଲାଗିଥିଲା। ଦିପୁ ଖରାପ ଭାଷାରେ ତାର ସ୍ତ୍ରୀକୁ ଗାଳିଗୁଲଜ ଓ ପିଟାମରା କରିଥିଲା। ଏନେଇ କିଛି ପଡୋଶୀ ଦିପୁକୁ ଏଭଳି ବ୍ୟବହାରରୁ କ୍ଷାନ୍ତ କରିବାକୁ ଆସିଥିଲେ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଦିପୁ ସେମାନଙ୍କ କଥା ନଶୁଣିବାରୁ ପଡୋଶୀ ସୁରେନ୍ଦ୍ର ଦେହୁରୀ ଓ ଚଗୁଲୁ ଦେହୁରୀଙ୍କ ଭିତରେ ମାଡ଼ପିଟା ହୋଇଥିଲା। ଦିପୁର ମା’ ଝରଣା ପଲେଇ ଏହାର ପ୍ରତିବାଦ କରିବାରୁ ପଡୋଶୀ ଦୁଇଜଣ ଝରଣାଙ୍କୁ ମଧ୍ୟ ମାଡ଼ ମାରିଥିଲେ ଓ ତୋର ଘରଦ୍ୱାର ଭାଙ୍ଗି ତୋତେ ଗାଁରୁ ତଡିଦେବୁ ବୋଲି ମଧ୍ୟ ଧମକ ଦେଇଥିଲେ। ଏନେଇ ଗତକାଲି ରାତିରେ ଗାଁରେ ବୈଠକ ବସିଥିଲା। ବୈଠକ ଚାଲୁଥିବା ସମୟରେ ଦିପୁର ଘର ପୋଡ଼ି ଯାଇଥିଲା । ଗାଁ ଲୋକେ ଦ ନିଆଁକୁ ଆୟତ୍ତ କରିଥିଲେ । ହାଟଡିହିରୁ ଦମକଳ ପହଞ୍ଚି ନିଆଁକୁ ସମ୍ପୂର୍ଣ୍ଣ ଲିଭାଇ ଥିଲା । କେହି ଦୁର୍ବୃତ ତାଙ୍କ ଘରଟିରେ ନିଆଁ ଲଗାଇ ଦେଇଥିବା ସନ୍ଦେହ କରାଯାଉଛି। ଖବରପାଇ ସୋସୋ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।