ଓଡ଼ିଶାରେ ମହିଳା ପୁଲିସଙ୍କ ସଂଖ୍ୟା ବଢ଼ିବ
ଭୁବନେଶ୍ବର : ଜାତୀୟ ପୁଲିସ ଗବେଷଣା ଓ ବିକାଶ ବ୍ୟୁରୋର ରିପୋର୍ଟ ଓ ‘ଇଣ୍ଡିଆ ଜଷ୍ଟିସ୍’ ରିପୋର୍ଟରେ ରାଜ୍ୟର ମହିଳା ବିରୋଧୀ ହିଂସା ଓ ଅପରାଧ ନିୟନ୍ତ୍ରଣ ସମ୍ବନ୍ଧୀୟ ତଥ୍ୟକୁ ଅନୁଧ୍ୟାନ କରି ଓଡ଼ିଶାରେ ମହିଳା ପୁଲିସ କର୍ମଚାରୀଙ୍କ ହାର ବୃଦ୍ଧି କରିବାକୁ ଆବଶ୍ୟକ ପଦକ୍ଷେପ ନିଆଯାଉଛି। ପ୍ରତ୍ୟେକ୍ଷ ଚୟନ ସମୟରେ ୩୩% ହାରରେ ମହିଳାମାନଙ୍କୁ ନିଯୁକ୍ତି ଦିଆଯାଉଥିବାରୁ ସେମାନଙ୍କର ପ୍ରତିନିଧିତ୍ବ ହାର କ୍ରମାଗତ ଭାବେ ବୃଦ୍ଧି ପାଉଛି ବୋଲି ସ୍ବରାଷ୍ଟ୍ର ବିଭାଗ ରାଷ୍ଟ୍ର ମନ୍ତ୍ରୀ ତୁଷାରକାନ୍ତି ବେହେରା ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବିଧାୟକ ସୌମ୍ୟରଂଜନ ପଟ୍ଟନାୟକଙ୍କ ପ୍ରଶ୍ନ ଜାତୀୟ ପୁଲିସ ଗବେଷଣା ଓ ବିକାଶ ବ୍ୟୁରୋର ରିପୋର୍ଟ ଅନୁସାରେ ଓଡ଼ିଶା ପୁଲିସରେ ମହିଳା କର୍ମଚାରୀଙ୍କ ପ୍ରତିନିଧିତ୍ବ ହାର ମାତ୍ର ୧୦.୧% ଥିବା ଯୋଗୁଁ ଓଡ଼ିଶାରେ ମହିଳା ବିରୋଧୀ ହିଂସା ଓ ଅପରାଧ ନିୟନ୍ତ୍ରଣ ହୋଇପାରୁନଥିବା ଇଣ୍ଡିଆ ଜଷ୍ଟିସ୍ ରିପୋର୍ଟରେ ଇଙ୍ଗିତ କରାଯାଇଛି। ଏଦୃଷ୍ଟିରୁ ଓଡ଼ିଶାରେ ମହିଳା ପୁଲିସ କର୍ମଚାରୀଙ୍କ ହାର ୩୩%ରେ ପହଞ୍ଚିବାକୁ ଆଉ କେତେ ବର୍ଷ ଲାଗିବ? ଏହାର ଉତ୍ତରରେ ମନ୍ତ୍ରୀ ଶ୍ରୀ ବେହେରା ଉପରୋକ୍ତ ସୂଚନା ଦେଇଛନ୍ତି।