କୂଅରେ ପଡ଼ି ବୃଦ୍ଧ ମୃତ

ପଦ୍ମପୁର: କେନ୍ଦୁଝର ସଦର ଥାନା ତାଳପଦା ଗ୍ରାମରେ କୂଅରେ ପଡ଼ି ଜଣେ ବୃଦ୍ଧଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ହେଲେ ସେହି ଗ୍ରାମର ବଙ୍କିମ ନାଏକ (୭୫)। ପ୍ରାପ୍ତସୂଚନା ଅନୁସାରେ, ବଙ୍କିମ ଚାଲିଚାଲି ଯାଉଥିବା ସମୟରେ ଘର ପାଖ ପୋଖରୀ ନିକଟରେ ଥିବା ଖୋଲାକୂଅରେ ପଡ଼ିଯାଇଥିଲେ।

ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିଥିଲେ। ସେଠାରେ ତାଙ୍କର ମୃତ୍ୟୁ ଘଟିଛି। ଖବର ପାଇ ପୁଲିସ ଶବ ଜବତ କରି ବ୍ୟବଚ୍ଛେଦ କରାଇଛି। ‌ଏନେଇ ନମ୍ବର ୭୭/୨୨ରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି।