ଗୋରୁ ବୋଝେଇ ପିକଅପ୍‌ ଭ୍ୟାନ ଜାଳିଦେଲେ

ଜଗମୋହନପୁର: ତେଲକୋଇ ଥାନା ଗୋଳାବନ୍ଧ ଗ୍ରାମର କିସାନସାହି ନିକଟରେ ଏକ ଗୋରୁ ବୋଝେଇ ପିକ୍‌ଅପ୍‌ ଭ୍ୟାନ୍‌କୁ ଉତ୍ତ୍ୟକ୍ତ ଲୋକେ ପୋଡ଼ି ଦେଇଛନ୍ତି। ବୁଧବାର ରାତି ପ୍ରାୟ ୩ଟା ସମୟରେ ପାଲଲହଡ଼ା ପଟୁ ଗୋଳାବନ୍ଧ ଦେଇ କେନ୍ଦୁଝର ଆଡ଼କୁ ୪ଟି ପିକ୍‌ଅପ୍‌ ଭ୍ୟାନ୍‌ରେ ଗୋରୁ ବୋଝେଇ କରି ନିଆଯାଉଥିଲା। ଏକ ବୋଲେରୋ ଗାଡ଼ି ସମ୍ପୃକ୍ତ ଗୋରୁ ବାଝୋଇ ଗାଡ଼ି ଗୁଡ଼ିକର ପିଛା କରୁଥିଲା।

ଗୋଳାବନ୍ଧ କିସାନସାହି ନିକଟରେ ଏକ ଗୋରୁ ବୋଝେଇ ପିକ୍‌ଅପ୍‌ ଭ୍ୟାନ୍‌ ଭାରସାମ୍ୟ ହରାଇ ରାସ୍ତାକଡ଼ରେ ଥିବା ଧାନକ୍ଷେତ ଭିତରକୁ ପଶିଯାଇଥିଲା। କିଛି ଅଜଣା ବ୍ୟକ୍ତି ପିକ୍‌ଅପ୍‌ ଭ୍ୟାନ୍‌ରେ ବୋଝେଇ ହୋଇଥିବା ଗୋରୁଗୁଡ଼ିକୁ ମୁକ୍ତ କରି ଗାଡ଼ିରେ ନିଆଁ ଲଗାଇ ଦେଇଥିଲେ। ପିକ୍‌ଅପ୍‌ ଭ୍ୟାନ୍‌ର ସମ୍ମୁଖ ଭାଗ ପୋଡ଼ିଯାଇଥିବା ବେଳେ ଗାଡ଼ି ଡ୍ରାଇଭର ଓ ହେଲ୍‌ପର୍‌ ଫେରାର ଅଛନ୍ତି। ତେଲକୋଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।