ପୁରୀ: କେନ୍ଦ୍ର ଶ୍ରମ ଓ ପରିବେଶ ମନ୍ତ୍ରୀ ଭୂପେନ୍ଦ୍ର ଯାଦବ ଆଜି ପୁରୀ ଗସ୍ତରେ ଆସି ମହାପ୍ରଭୁଙ୍କ ଦର୍ଶନ କରିଛନ୍ତି। ଶ୍ରୀ ଯାଦବ ଆଜି ମଧ୍ୟାହ୍ନରେ ଶ୍ରୀମନ୍ଦିରରେ ପହଞ୍ଚି ମହାପ୍ରଭୁଙ୍କ ଦର୍ଶନ କରିବା ପରେ ମା’ ବିମଳା, ମହାଲକ୍ଷ୍ମୀ ଆଦି ମନ୍ଦିର ଯାଇ ଦର୍ଶନ କରିଥିଲେ। ସାଙ୍ଗରେ ବିଜେପି ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର ଓ ଅନ୍ୟ ବିଜେପି ନେତା ଉପସ୍ଥିତ ଥିଲେ। ଶ୍ରୀମନ୍ଦିରର ବରିଷ୍ଠ ସେବାୟତ ମଧୁସୂଦନ ସିଂହାରୀ ଓ ଅନ୍ୟମାନେ ଶ୍ରୀ ଯାଦବଙ୍କୁ ମହାପ୍ରଭୁଙ୍କ ଲାଗି ଖଣ୍ଡୁଆ ଆଦି ଭେଟି ଦେଇଥିଲେ। ସେହିଭଳି କେନ୍ଦ୍ର ଖାଉଟି ବ୍ୟାପାର ମନ୍ତ୍ରୀ(ରାଜ୍ୟ) ଅଶ୍ବିନୀ କୁମାର ଚୌବେ ବି ଆଜି ମହାପ୍ରଭୁଙ୍କ ଦର୍ଶନ କରିଛନ୍ତି। ଏହି ଅବସରରେ ଶ୍ରୀମନ୍ଦିର ସେବାୟତ ମଧୁସୂଦନ ସିଂହାରୀ ଶ୍ରୀ ଚୌବେଙ୍କୁ ମହାପ୍ରଭୁଙ୍କ ଲାଗି ଖଣ୍ଡୁଆ ଆଦି ଉପହାର ଦେଇଥିଲେ।