ଅଜଣା ଗାଡ଼ି ଧକ୍କାରେ ଯୁବକ ମୃତ  

ଦେବଗଡ଼: ଦେବଗଡ଼ ଜିଲ୍ଲା ବାରକୋଟ ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥର ବାହାଡାପଶି ଗ୍ରାମ ନିକଟ ବାରକୋଟ ଦଳମଳ କେନ୍ଦ୍ର ସମ୍ମୁଖରେ ଶନିବାର ରାତିରେ ଏକ ଅଜଣା ଗାଡି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକକ ହେଲେ ଗୁରାଣ୍ଡିଖୋଳ ଗ୍ରାମର ପ୍ରଦୀପ ଭୂୟାଁ।

ମିଳିଥିବା ସୂଚନାନୁସାରେ ପ୍ରଦୀପ ଆଜି ବାରକୋଟ ନିକଟସ୍ଥ ଗ୍ରାମକୁ ନିଜ ସଂପର୍କୀୟଙ୍କ ଘରୁକୁ କୌଣସି କାର୍ଯ୍ୟରେ ଆସିଥିଲେ। ମାତ୍ର ବାରକୋଟ ଦଳମଳ କେନ୍ଦ୍ର ନିକଟରେ ଜାତୀୟ ରାଜପଥ ପାର ହେଉଥିବା ସମୟରେ ଏକ ଅଜଣା ଟ୍ରକ ତାଙ୍କୁ ଧକ୍କା ଦେଇ ଫେରାର ହୋଇଯାଇଥିଲା। ଫଳରେ ତାଙ୍କ ମୃତ୍ୟୁ ଘଟିଥିଲା। ଖବର ପାଇ ବାରକୋଟ ଥାନା ପୁଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରିବା ସହିତ ଘଟଣାର ତଦନ୍ତ ଆରମ୍ଭ କରିଛି।