ଗଛରୁ ପଡ଼ି ଯୁବକ ମୃତ

ହରିଚନ୍ଦନପୁର : ହରିଚନ୍ଦନପୁର ବ୍ଲକ୍‌ ରେବଣାପଳାସପାଳ ପଞ୍ଚାୟତ କୁସୁମଯୋଡି ଗ୍ରାମର ନୀଳକଣ୍ଠ ମହାନ୍ତ(୩୮) ଗଛରୁ ଖସି ପଡ଼ିବାରୁ ତାଙ୍କର ମୃତ୍ୟୁ ଘଟିଛି।

ଶ୍ରୀ ମହାନ୍ତ ବରଡା ଶାଗ ତୋଳିବା ପାଇଁ  ଗଛକୁ ଚଢିଥିଲେ। ଶାଗ ତୋଳିବାବେଳେ ଗଛର ଡାଳ ଭାଙ୍ଗି ଯିବାରୁ ସେ ଗଛରୁ ତଳକୁ ଖସି ପଡ଼ିଲେ। ତାଙ୍କ ବେକରେ ଏକ ବାଡ଼ି ପଶି ଯାଇଥିଲା । ତାଙ୍କୁ ଚିକିତ୍ସା ପାଇଁ ହରିଚନ୍ଦନପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏଠାରେ କିନ୍ତୁ ତାଙ୍କର ମୃତ୍ୟୁ ଘଟିଥିଲା। ଦୈତାରି ଥାନାର ଏସଆଇ ମାନସ ରଞ୍ଜନ ପଣ୍ଡା ୪/୨୩ ରେ ଏକ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ଅନନ୍ଦପୁର ଡାକ୍ତରଖାନାକୁ ପଠାଇଛନ୍ତି।