ଗୋଳନ୍ଥରା: ଗଞ୍ଜାମ ଜିଲ୍ଲାର ଗୋଳନ୍ଥରା ଥାନା ଅଞ୍ଚଳରେ ଏକ ବଡ଼ ଧରଣର ଚୋରି ହୋଇଥିବାର ଖବର ମିଳିଛି। ମିଳିଥିବା ସୂଚନା ଅନୁଯାୟୀ, ଗୋଳନ୍ଥରା ଥାନା ଅନ୍ତର୍ଗତ ଶାସନପଦର ଗ୍ରାମର କୁନା ପାଢୀଙ୍କ ଘରୁ ୭ ଭରି ସୁନା,୨୦ ଭରି ରୁପା ଗହଣା ଓ ନଗଦ ୨୫ ହଜାର ଟଙ୍କା ଟଙ୍କା ଓ କେତୋଟି ମୂଲ୍ୟବାନ ପାଟ ଚୋରି ହୋଇଛି। ଏନେଇ ଶାସନପଦର ଗ୍ରାମର କୁନା ପାଢୀ ଗୋଳନ୍ଥରା ଥାନା ଅଭିଯୋଗ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁଯାୟୀ, କୁନା ପାଢୀ ଓ ତାଙ୍କ ପରିବାରର ସଦସ୍ୟମାନେ ରାତିରେ ଯେଉଁ ଘରେ ଶୋଇଥିଲେ ସେହି ଘରେ ହିଁ ଚୋରମାନେ ପଶି ଗଡରେଜ୍ ଭାଙ୍ଗି ୭ ଭରି ସୁନା,୨୦ ଭରି ରୁପା ଗହଣା ଓ ନଗଦ ୨୫ହଜାର ଟଙ୍କା ଓ କେତୋଟି ମୂଲ୍ୟବାନ ପାଟ ଚୋରି କରି ନେଇଛନ୍ତି। ଚୋରମାନେ ଶୋଇଥିବା ଲୋକଙ୍କ ଉପରେ କୌଣସି ସ୍ପ୍ରେ ପକାଇ ଅଚେତ କରିବା ପରେ ଚୋରି କରିଥିବା କୁହାଯାଉଛି। ଚୋରମାନେ ଘରର ପଛ କବାଟ ଭାଙ୍ଗି ଘର ଭିତରେ ପଶିଥିବା ଜଣାଯାଇଛି। ପୁଲିସର ପେଟ୍ରୋଲିଂ ନ ଥିବାରୁ ଗ୍ରାମରେ ଏଭଳି ଚୋରି ହେଉଥିବାର ଅଭିଯୋଗ ହୋଇଛି।