ହାଟଡିହି : ହାଟଡିହି ବ୍ଲକ୍‌ ନନ୍ଦିପଦା ଥାନା ଅଧୀନ ବେତିରା ଗ୍ରାମର ଦୁର୍ଯ୍ୟୋଧନ କରଙ୍କ ଘରର ଝରକା ଭାଙ୍ଗି ଗତକାଲି ରାତିରେ ଦୁର୍ବୃତ୍ତମାନେ ଲକ୍ଷାଧିକ ଟଙ୍କାର ସୁନାରୁପା ଅଳଙ୍କାର ଲୁଟ୍‌ କରିଛନ୍ତି। ଗତକାଲି ରାତିରେ ପରିବାର ଲୋକେ ଅତ୍ୟଧିକ ଗରମ ଯୋଗୁଁ ବାହାର ପଟ କୋଠରିରେ ଶୋଇଥିଲେ। କେହି ଦୁର୍ବୃତ୍ତ ଝରକା ଗ୍ରିଲ ଭାଙ୍ଗି ଆଲମିରାରୁ ଲକ୍ଷାଧିକ ଟଙ୍କାର ସୁନାରୁପା ଅଳଙ୍କାର ସମେତ ୧୦ ହଜାର ଟଙ୍କା ଲୁଟି ନେଇଛି। ପରିବାର ଲୋକେ ସକାଳେ ଚୋରି ସମ୍ପର୍କରେ ଜାଣିବାକୁ ପାଇଥିଲେ। ଏନେଇ ସେମାନେ ନନ୍ଦିପଦା ଥାନାରେ ଅଭିଯୋଗ କରିଛନ୍ତି। ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ସ୍ଥାନୀୟ ଅଞ୍ଚଳର କେହି ଦୁର୍ବୃତ୍ତ ଚୋରିରେ ସଂପୃକ୍ତ ଥିବା ଅନୁମାନ କରାଯାଉଛି।