ଟ୍ବିଟ୍‌ କରି ଜଣାଇଲା କମିସନରେଟ୍‌ ପୁଲିସ୍‌, ବାଲିଯାତ୍ରାରେ ଗାଡ଼ି ପାର୍କିଂ ପାଇଁ ଜାଗା ନାହିଁ

କଟକ: କଟକ ବାଲିଯାତ୍ରା ବୁଲି ଆସୁଥିବା ଲୋକଙ୍କ ପାଇଁ ବଡ ଖବର। ଯଦି ଆପଣ ବାଲିଯାତ୍ରା ବୁଲିବାକୁ କଟକ ଆସୁଥାନ୍ତି ତେବେ କମିସନରେଟ ପୋଲିସର ଟ୍ବିଟ୍‌ ଉପରେ ଥରେ ନଜର ପକାନ୍ତୁ। କାରଣ କଟକ ବାଲିଯାତ୍ରାରେ ଅସମ୍ଭବ ଭିଡ। ଏପରି ଭିଡ଼ ହୋଇଛି ଯେ ଗାଡ଼ି ପାର୍କିଂ ପାଇଁ ସ୍ଥାନ ନାହିଁ। ଏପରିକି ଟ୍ରାଫିକ୍‌ ଏତେ ଅସମ୍ଭାଳ ହୋଇଯାଇଛି ଯେ କମିସନରେଟ୍‌ ପୋଲିସ ହାତ ଟେକି ଦେଇଛି। ଗାଡ଼ି ପୂରା ଜାମ୍‌ ହୋଇଯାଇଥିବାରୁ ବର୍ତମାନ ଆଉ ଗାଡ଼ିକୁ ଅନୁମତି ଦିଆଯିବ ନାହିଁ ବୋଲି ଟ୍ବିଟ୍‌ କରି କହିଛି କମିସନରେଟ୍‌ ପୋଲିସ। ଏଥିପାଇଁ କମିସନରେଟ୍‌ ପୋଲିସ ପକ୍ଷରୁ ଦୁଃଖପ୍ରକାଶ କରାଯାଇଛି।

ପାର୍କିଂ ପାଇଁ ସ୍ଥାନ ଖାଲି ହେବା ପରେ ଅନ୍ୟ ଗାଡ଼ିକୁ ଅନୁମତି ଦିଆଯିବ ବୋଲି କୁହାଯାଇଛି। ସେପଟେ ବାରଙ୍ଗ, ତ୍ରିଶୁଳିଆ, ଆଠଗଡ଼ ରାସ୍ତା ଅପରାହ୍ନ ୪ଟାରୁ ରାତି ୧୨ ଟା ଯାଏଁ ଟ୍ରାଫିକ ଜାମ୍‌ ରହିବ, ତେଣୁ ଏନଏଚ୍‌-୧୬ ରାସ୍ତାରେ ଯିବାକୁ ଆଡଭାଇଜରି ଜାରି କରିଛି କମିସନରେଟ୍‌ ପୋଲିସ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Comments are closed.