ସମ୍ବଲପୁରୀ ବାନ୍ଧ ଓ ନୃତ୍ୟ ଉପରେ ହେବ ଡାକଟିକଟ୍
ଶୀତଳଷଷ୍ଠୀ, ନୂଆଁଖାଇ, ଧନୁଯାତ୍ରା ବି ସ୍ଥାନ ପାଇବ
ସମ୍ବଲପୁର: ଭାରତୀୟ ଡାକ ବିଭାଗ ତରଫରୁ ସମ୍ବଲପୁରୀ ବାନ୍ଧ, ସମ୍ବଲପୁରୀ ଲୋକ ନୃତ୍ୟ, ଶୀତଳଷଷ୍ଠୀ ଯାତ୍ରା, ନୂଆଁଖାଇ ଓ ଧନୁଯାତ୍ରା ମହୋତ୍ସବ ଉପରେ ସ୍ମାରକୀ ଡାକ ଟିକଟ୍ ଜାରି କରାଯିବ। ବରଗଡ଼ ସାଂସଦ ସୁରେଶ ପୂଜାରୀ ଦେଇଥିବା ଏହି ପ୍ରସ୍ତାବକୁ ଡାକ ବିଭାଗ ମଞ୍ଜୁର କରିଛି। ଶ୍ରୀ ପୂଜାରୀଙ୍କ ସମସ୍ତ ପ୍ରସ୍ତାବ ମଞ୍ଜୁର ହୋଇଥିବା ନେଇ ଭାରତୀୟ ଡାକ ବିଭାଗ ଓ ସଂଚାର ମନ୍ତ୍ରଣାଳୟର ସଚିବ ବିନିତ ପାଣ୍ଡେ ସାଂସଦଙ୍କୁ ପତ୍ର ଜରିଆରେ ସୂଚୀତ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ତାଙ୍କ ପ୍ରସ୍ତାବ ଗୃହୀତ ହୋଇଥିବାରୁ ଶ୍ରୀ ପୂଜାରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ରେଳ, ଯୋଗାଯୋଗ, ସୂଚନା ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶ୍ବିନୀ ବୈଷ୍ଣବଙ୍କୁ ଧନ୍ୟବାଦ ଜଣାଇଛନ୍ତି।