ଭୁବନେଶ୍ୱର: ତୃତୀୟ ପର୍ଯ୍ୟାୟ ମତଦାନ ନିମନ୍ତେ ୬ ଟି ଲୋକସଭା ଆସନ ପାଇଁ ଆଜି ପାର୍ଥୀ ସେମାନଙ୍କର ନାମାଙ୍କନ ପତ୍ର ଦାଖଲ କରିଛନ୍ତି । ସେହିପରି ୪୨ ଟି ବିଧାନସଭା ଆସନ ପାଇଁ ଆଜି ୧୦ ଜଣ ପ୍ରାର୍ଥୀ ସେମାନଙ୍କ ନାମାଙ୍କନ ପତ୍ର ଦାଖଲ କରିଛନ୍ତି । ଆଜି ସୁଦ୍ଧା ତୃତୀୟ ପ୍ରର୍ଯ୍ୟାୟ ଲୋକସଭା ପାଇଁ ୧୨ ଜଣ ଓ ବିଧାନସଭା ପାଇଁ ୩୩ ଜଣ ପ୍ରାର୍ଥୀ ସେମାନଙ୍କ ନାମାଙ୍କନ ପତ୍ର ଦାଖଲ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ନିର୍ବାଚନକୁ ଶାନ୍ତିଶୃଙ୍ଖଳା ସହ ପରିଚାଳନ କରିବା ପାଇଁ ରାଜ୍ୟରେ ବର୍ତ୍ତମାନ ସୁଦ୍ଧା ବିଜିନ୍ନ ଜିଲ୍ଲାରେ ୬୬୦୮ ଟି ଜାମିନ ବିହୀନ ପରଓ୍ଵାନ କାର୍ଯ୍ୟକାରୀ ହୋଇଛି । ଭାରତୀୟ ପିଙ୍ଗଳ କୋର୍ଡ ୧୦୭/୧୧୬ ଅନୁଯାୟୀ ୩୨୯୫୧ ଜଣଙ୍କୁ ଅଟକ ରଖାଯାଇଛି । ୪୧୭୦ ଟି ଲାଇସେନ୍ସପ୍ରାପ୍ତ ବନ୍ଧୁକ ଜିଲ୍ଲା ପ୍ରଶାସନ ଠାରେ ଜମା ଦିଆଯାଇଛି । ଲାଇସେନ୍ସ ନଥିବା ୧୬୨ଟି ଅସ୍ତ୍ରଶସ୍ତ୍ର ଏବଂ ୨୪୯.୦୩୨ କିଲୋଗ୍ରାମ ବିଷ୍ପୋରକ ଜବତ କରାଯାଇଛି । ଆଜି ସୁଦ୍ଧା ରାଜ୍ୟର ବିଭିନ୍ନ ଜିଲ୍ଲାରେ ଅବକାରୀ ବିଭାଗ ଓ ପୁଲିସ ସହାୟତାରେ ୭୭୯୭୯.୨୨୫ ଲିଟର ମଦ ଜବତ କରାଯାଇଛି । ଯାହାର ଆନୁମାନିକମୂଲ୍ୟ ୨ କୋଟି ୨୪ ଲକ୍ଷ ୭୬ ହଜାର ୬୨ପଇସା ହେବ ।