ଅପରାଧ ଯୋଜନା ଫେଲ୍; ୩ ଅଭିଯୁକ୍ତ ଗିରଫ, ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ
ଭୁବନେଶ୍ବର: ବଡ଼ଧରଣର ଅପରାଧ ଘଟାଇବା ପାଇଁ ଯୋଜନା ପ୍ରସ୍ତୁତ କରୁଥିବା ବେଳେ ଜଟଣୀ ପୁଲିସ ହାତରେ ଧରାପଡ଼ିଛନ୍ତି ୩ ଜଣ ଅଭିଯୁକ୍ତ। ଗିରଫ ଅଭିଯୁକ୍ତମାନେ ହେଲେ ବିକ୍ରମ ଓରଫ ଧର୍ମେନ୍ଦ୍ର ରାଉତ (୨୭), ଦୀପୁ ଓରଫ ଦୀପ୍ତିନାରାୟଣ ଜେନା (୨୪) ଓ ସୁନ୍ଦର ମାର୍ଥା। ପୁଲିସ ଅଭିଯୁକ୍ତମାନଙ୍କ ଠାରୁ ଏକ ୯ଏମ୍ଏମ୍ ଦେଶୀ ପିସ୍ତଲ, ଏକ ୭.୬୫ ଏମ୍ ଦେଶୀ ପିସ୍ତଲ, ୧୩ ରାଉଣ୍ଡ ଜୀବନ୍ତ ଗୁଳି, ଏକ ବାଇକ୍ (ଓଡି ୩୩ ଏଡି ୦୦୯୬), ଏକ କାର୍ (ଟୋୟଟା) ଓ ୩ଟି ମୋବାଇଲ୍ ଫୋନ୍ ଜବତ ହୋଇଛି।
Sambad is now on WhatsApp
Join and get latest news updates delivered to you via WhatsApp
ମଙ୍ଗଳବାର ରାତିରେ ପୁଲିସକୁ ବିଶ୍ବସ୍ତ ସୂତ୍ରରୁ ସୂଚନା ମିଳିଥିଲା ଯେ, ଦୁଇ ଜଣ ଦୁର୍ବୃତ୍ତ ଏକ କଳାରଙ୍ଗର ବାଇକ୍ରେ ବନ୍ଧୁକ ଧରି କେନ୍ଦ୍ରାପଡ଼ାରୁ ଜଟଣୀ ଅଞ୍ଚଳକୁ ଆସିଛନ୍ତି ଓ ସେମାନେ କୌଣସି ଅପରାଧ ଘଟାଇବାକୁ ଯୋଜନା କରୁଛନ୍ତି। ଏହି ଖବର ପାଇଁ ପୁଲିସ ବିଭିନ୍ନ ସ୍ଥାନରେ ଚଢ଼ଉ କରି ଖୁଦୁପୁର ଆଇଆଇଟି ରାସ୍ତାରେ ୨ ଜଣ ଯୁବକଙ୍କ ସହ ଏକ ବାଇକୁ ବାଇକ୍କୁ ଠାବ କରିଥିଲା। ସେମାନଙ୍କୁ ଧରି ସେମାନଙ୍କର ତଲାସୀ ନେବାରେ ଏକ ୯ଏମ୍ଏମ୍ ଦେଶୀ ମାଉଜର ସହ ୭ ଗୋଟି ଗୁଳି ଉଦ୍ଧାର କରିଥିଲା ଓ ସେମାନଙ୍କୁ ପଚାରିବାରେ କହିଲେ ଯେ, ସୁନ୍ଦରପଦା ଅଞ୍ଚଳର ସନ୍ତୋଷ ମାର୍ଥା ନାମକ ଜଣେ ଯୁବକ କୌଣସି ଅପରାଧ ପାଇଁ ଜଟଣୀକୁ ଡକାଇଥିଲା। ପୁନଶ୍ଚ ସେମାନଙ୍କ ସୂଚନା ଆଧାରରେ ସନ୍ତୋଷ ମାର୍ଥାକୁ ହରିଚନ୍ଦନପୁର-ଭୁବନେଶ୍ବର ରାସ୍ତାର ବୁଢ଼ାପଡ଼ା ନିକଟରୁ ମାଉଜାର ସହ ୬ ରାଉଣ୍ଡ ଜୀବନ୍ତ ଗୁଳି ଏବଂ ଏକ କାର ଜବତ କରିଛି। ତିନି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।