ବାରିପଦା: ଜଣେ ନାବାଳିକାକୁ ଗଣଦୁଷ୍କର୍ମ ଅଭିଯୋଗରେ ବାରିପଦା ଟାଉନ୍ ଥାନା ପୁଲିସ ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି । ଗିରଫ ଅଭିଯୁକ୍ତମାନେ ହେଲେ ବାରପଦା ଥାନା ଅନ୍ତର୍ଗତ ଷ୍ଟେସନ ବଜାର ଅନ୍ତର୍ଗତ କାଲୁ ଗାଁର ଏସ୍କେ ସଫିକ୍ ଓରଫ ସାଫୁଆ (୨୩), ଉଦଳା ଥାନା ଅନ୍ତର୍ଗତ ଜିରିଡା ଗାଁର ରବୀନ୍ଦ୍ର ଦାସ ଓରଫ ରବି (୨୮) ଓ ବାରିପଦା ସହରର ୱାର୍ଡ ନମ୍ବର ୧୪ ଅନ୍ତର୍ଗତ ସୁନାଗଡ଼ିଆର ନିଆଜୁ ଓରଫ ବୁଟୁରୁ(୨୮) ।
Sambad is now on WhatsApp
Join and get latest news updates delivered to you via WhatsApp
୧୫ ବର୍ଷୀୟ ପୀଡ଼ିତା ଜଣକ ଥାନାରେ ଅଭିଯୋଗ କରିଛନ୍ତି ଯେ, ଧରମ ଭାଇ ସଫିକ୍ ତାଙ୍କୁ ଗତକାଲି ସନ୍ଧ୍ୟାରେ ପେଟ୍ରୋଲ ଆଣିବା ପାଇଁ କହିଥିଲେ । ଧରମ ଭାଇର କଥାରେ ମୁଁ ପେଟ୍ରୋଲ ଆଣିବାକୁ ଯାଇଥିଲି । କିନ୍ତୁ ପେଟ୍ରୋଲ ଆଣିବା ପରେ ସଫିକ ମୋତେ ନ ଛାଡ଼ି ଏକ ଗ୍ୟାରେଜକୁ ନେଇଯାଇଥିଲା । ରାତିରେ ସେ ଓ ତାଙ୍କର ଅନ୍ୟ ୨ ଜଣ ସାଙ୍ଗ ମିଲି ଦୁଷ୍କର୍ମ କରିଥିଲେ । ରାତି ୩ଟାରେ ଅଭିଯୁକ୍ତମାନେ ବାହାରକୁ ଚାଲିଯାଇଥିବା ବେଳେ ସେଠାରୁ ଖସି ଆସିଥିଲି ବୋଲି ପୀଡ଼ିତା ଅଭିଯୋଗ କରିଛନ୍ତି । ପୀଡ଼ିତାଙ୍କ ଅଭିଯୋଗ କ୍ରମେ ପୁଲିସ ୩ ଜଣ ଅଭିଯୁକ୍ତଙ୍କୁ ଗିରଫ କରି ଘଟଣାର ତଦନ୍ତ କରୁଛି ।