ନଗଡ଼ା ରାସ୍ତା ଦୁର୍ନୀତି ନେଇ ଥାନାରେ ହାଜର ହେଲେ ୩ ଯନ୍ତ୍ରୀ
ଯାଜପୁର/କାଳିଆପାଣି : ଗ୍ରାମାଞ୍ଚଳ ବିକାଶ ନାମରେ ହେଉଛି ନାହିଁନଥିବା ଦୁର୍ନୀତି। ଗୁପ୍ତ ଟେଣ୍ଡର ଏବଂ କେ-୨କୁ ଅସ୍ତ୍ର କରି ଯାଜପୁର ଗ୍ରାମ୍ୟ ଉନ୍ନୟନ ଡିଭିଜନ୍ରେ ବ୍ୟାପକ ଅର୍ଥ ବାଟମାରଣା କରାଯାଇଛି। ବିଭାଗୀୟ ସଚିବ ପ୍ରଦୀପ ଜେନା ଦୁର୍ନୀତି ରୋକିବାକୁ ନୀତିନିୟମରେ ପରିବର୍ତ୍ତନ ଆଣିଥିଲେ ହେଁ ଯାଜପୁର ଜିଲ୍ଲାରେ ଫେଲ ମାରିଛି।
Sambad is now on WhatsApp
Join and get latest news updates delivered to you via WhatsApp
ଯାଜପୁର-୧ ଡିଭିଜନରେ ୨୦୧୯-୨୦ରେ ୧୩୫୬ଟି କେ-୨ (୧୦ ହଜାର ଟଙ୍କାରୁ କମ୍) କରାଯାଇ ୧କୋଟିରୁ ଅଧିକ ଅନୁଦାନ ହଡ଼ପ ହୋଇଥିବା ଅଭିଯୋଗ ହେଉଛି। ସେହିପରି ୨୦୧୯-୨୦ ଓ ୨୦୨୦-୨୧ରେ ୧୮୫ଟି ଗୁପ୍ତ ଟେଣ୍ଡର କରାଯାଇଛି। ଯାହାକି ନଗଡ଼ା ରାସ୍ତା ମରାମତି ଓ ବଙ୍ଗଳାଛକ(ସୁକିନ୍ଦା)- ହାତୀବାରି ପୂର୍ତ୍ତ ରାସ୍ତାରେ ହୋଇଥିବା ଦୁର୍ନୀତି ଧରାପଡ଼ିଛି। ନଗଡ଼ା ରାସ୍ତାରେ ୪୪.୨୨ଲକ୍ଷ ଟଙ୍କାର (୧୦ ଗୁପ୍ତ ଟେଣ୍ଡର) ଦୁର୍ନୀତି ଘଟଣାରେ ଗତକାଲି କାଳିଆପାଣି ଥାନାରେ ୩ ଯନ୍ତ୍ରୀ ତଥା ଅଧୀକ୍ଷଣ ଯନ୍ତ୍ରୀ ବିଜୟ ମହାରଣା, ସହକାରୀ ନିର୍ବାହୀ ଯନ୍ତ୍ରୀ ମୁଦୁଲି ଭେଙ୍କଟରମଣ, ଟମକା କନିଷ୍ଠ ଯନ୍ତ୍ରୀ ରସାନନ୍ଦ ବାରିକ ହାଜର ହୋଇ ପକ୍ଷ ରଖିଥିଲେ।