ତିନି ଯୋଡ଼ା ଦୂରଗାମୀ ଏକ୍ସପ୍ରେସ୍ ମାସେ ବାତିଲ୍
ଭୁବନେଶ୍ବର: ଦକ୍ଷିଣ ପୂର୍ବ କେନ୍ଦ୍ରୀୟ ରେଳପଥ ପରିସୀମା ମଧ୍ୟରେ ସୁରକ୍ଷା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟକୁ ଦୃଷ୍ଟିରେ ରଖି ପୂର୍ବତଟ ରେଳପଥରୁ ଛାଡୁଥିବା ଏବଂ ଯାତ୍ରା ସମାପ୍ତ କରୁଥିବା ତିନି ଯୋଡ଼ା ଦୂରଗାମୀ ଟ୍ରେନକୁ ମାସକ ପାଇଁ ବାତିଲ କରାଯାଇଛି। ଭୁବନେଶ୍ୱରରୁ ପ୍ରତି ସୋମବାର ଓ ଗୁରୁବାର ଛାଡ଼ୁଥିବା ଭୁବନେଶ୍ୱର-ମୁମ୍ବାଇ ଏଲଟିଟି ଏକ୍ସପ୍ରେସ(୧୨୮୮୦) ଜୁନ୍ ୨୩ ଏବଂ ମୁମ୍ବାଇ ଏଲଟିଟିରୁ ପ୍ରତି ବୁଧବାର ଓ ଶନିବାର ଛାଡ଼ୁଥିବା ମୁମ୍ବାଇ ଏଲଟିଟି- ଭୁବନେଶ୍ୱର ଏକ୍ସପ୍ରେସ(୧୨୮୭୯) ଜୁନ୍ ୧୮ ଯାଏ ବାତିଲ ରହିବ। ପୁରୀରୁ ପ୍ରତି ମଙ୍ଗଳବାର ଛାଡ଼ୁଥିବା ପୁରୀ-ମୁମ୍ବାଇ ଏଲଟିଟି ଏକ୍ସପ୍ରେସ(୨୨୮୬୬) ଜୁନ୍ ୨୧ ଓ ମୁମ୍ବାଇ ଏଲଟିଟିରୁ ପ୍ରତି ଗୁରୁବାର ଛାଡ଼ୁଥିବା ମୁମ୍ବାଇ ଏଲଟିଟି-ପୁରୀ ଏକ୍ସପ୍ରେସ(୨୨୮୬୫) ଜୁନ୍ ୨୩ ପର୍ଯ୍ୟନ୍ତ ଏବଂ ବିଶାଖାପାଟଣାରୁ ପ୍ରତି ରବିବାର ଚଳାଚଳ କରୁଥିବା ବିଶାଖାପାଟଣା-ମୁମ୍ବାଇ ଏଲଟିଟି ଏକ୍ସପ୍ରେସ(୨୨୮୪୭) ଜୁନ୍ ୧୯ ଓ ମୁମ୍ବାଇ ଏଲଟିଟିରୁ ପ୍ରତି ମଙ୍ଗଳବାର ଛାଡୁଥିବା ମୁମ୍ବାଇ ଏଲଟିଟି-ବିଶାଖାପାଟଣା ଏକ୍ସପ୍ରେସ(୨୨୮୪୮) ଜୁନ୍ ୨୧ ପର୍ଯ୍ୟନ୍ତ ବାତିଲ୍ ରହିବ।
Sambad is now on WhatsApp
Join and get latest news updates delivered to you via WhatsApp
ସେହିପରି ପୂର୍ବତଟ ରେଳପଥର ୱାଲଟିୟର ଏବଂ ସମ୍ବଲପୁର ରେଳମଣ୍ଡଳ ମଧ୍ୟରେ ବିଭିନ୍ନ ସମ୍ବେଦନଶୀଳ ଅଞ୍ଚଳରେ ଟ୍ରାକ ରକ୍ଷଣାବେକ୍ଷଣ ସହ ସୁରକ୍ଷା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟ ପାଇଁ ମେ’ ୨୮ ଓ ୨୯ରେ ଉଭୟ ପାର୍ଶ୍ୱରୁ ୬ଟି ଟ୍ରେନ୍ ବାତିଲ ରହିବ। ଟ୍ରେନ୍ଗୁଡ଼ିକ ହେଲା ସମ୍ବଲପୁର-ରାୟଗଡା-ସମ୍ବଲପୁର ଇଣ୍ଟରସିଟି ଏକ୍ସପ୍ରେସ(୧୮୩୦୧/୧୮୩୦୨), ବିଶାଖାପାଟଣା-ଭୁବନେଶ୍ୱର-ବିଶାଖାପାଟଣା ଇଣ୍ଟରସିଟି ଏକ୍ସପ୍ରେସ୍(୨୨୮୨୦/୨୨୮୧୯), ବିଶାଖାପାଟଣା-ପଲାସା-ବିଶାଖାପାଟଣା ଏକ୍ସପ୍ରେସ୍(୧୮୫୩୨/୧୮୫୩୧), ବିଶାଖାପାଟଣା-କୋରାପୁଟ-ବିଶାଖାପାଟଣା ପାସେଞ୍ଜର ସ୍ପେସାଲ(୦୮୫୪୬/୦୮୫୪୫), ପୁରୀ-ଗୁଣୁପୁର-ପୁରୀ ଏକ୍ସପ୍ରେସ(୧୮୪୧୭/୧୮୪୧୮) ଏବଂ ପୁରୀ-ଅନୁଗୁଳ-ପୁରୀ ପାସେଞ୍ଜର ସ୍ପେସାଲ(୦୮୪୨୮/୦୮୪୨୭)।