ପୁଣି ଚାଲିବ ତିନି ଯୋଡ଼ା ସ୍ୱତନ୍ତ୍ର ଟ୍ରେନ
ଆଉ ୩ ଷ୍ଟେସନରେ ରହିବ ତପସ୍ୱିନୀ ସ୍ପେସାଲ୍
ଭୁବନେଶ୍ବର : ଯାତ୍ରୀଙ୍କ ସମସ୍ୟାକୁ ନେଇ ବାରମ୍ବାର ‘ସମ୍ବାଦ’ରେ ଖବର ପ୍ରକାଶ ପାଇବା ପରେ ୩ଟି ସ୍ବତନ୍ତ୍ର ଟ୍ରେନ୍ ଚଳାଇବାକୁ ପୂର୍ବତଟ ରେଳପଥ ପକ୍ଷରୁ ପଦକ୍ଷେପ ନିଆଯାଇଛି। ପରବର୍ତ୍ତୀ ପରାମର୍ଶ ପର୍ଯ୍ୟନ୍ତ କଟକ-ପୁରୀ-କଟକ, କଟକ-ଭଦ୍ରକ-କଟକ ଓ କଟକ-ପାରାଦୀପ-କଟକ ସ୍ୱତନ୍ତ୍ର ଟ୍ରେନ ପୁଣିଥରେ ଚାଲିବ। ଅକ୍ଟୋବର ୪ରୁ କଟକ-ପୁରୀ-କଟକ ସ୍ପେସାଲ୍(୦୮୪୩୧/୦୮୪୩୨) ଉଭୟ ଦିଗରୁ ଛାଡ଼ିବାକୁ ଥିବା ବେଳେ କଟକ-ଭଦ୍ରକ-କଟକ ସ୍ପେସାଲ୍(୦୮୪୫୪/୦୮୪୫୩) ଓ କଟକ-ପାରାଦୀପ-କଟକ ସ୍ପେସାଲ୍(୦୮୪୬୨/୦୮୪୬୧) ଉଭୟ ଦିଗରୁ ଅକ୍ଟୋବର ୬ରୁ ଚଳାଚଳ କରିବ।
Sambad is now on WhatsApp
Join and get latest news updates delivered to you via WhatsApp
ଆଉ ୩ ଷ୍ଟେସନରେ ରହିବ ତପସ୍ୱିନୀ ସ୍ପେସାଲ୍
ଭୁବନେଶ୍ବର : ଜନସାଧାରଣଙ୍କ ଦାବିକୁ ଦୃଷ୍ଟିରେ ରଖି ପରୀକ୍ଷାମୂଳକ ଭାବେ ୩ ମାସ ପାଇଁ ରେଢ଼ାଖୋଲ, ବଇଣ୍ଡା ଓ ଗଡ଼ପୋଷଠାରେ ପୁରୀ-ହଟିଆ-ପୁରୀ ତପସ୍ୱିନୀ ସ୍ପେସାଲ ପରୀକ୍ଷାମୂଳକ ଭାବେ ଅଟକିବ ବୋଲି ପୂର୍ବତଟ ରେଳପଥ ପକ୍ଷରୁ ନିଷ୍ପତ୍ତି ନିଆଯାଇଛି।
ପୁରୀ-ହାଟିଆ ତପସ୍ୱିନୀ ସ୍ପେସାଲ(୦୮୪୫୨) ଗଡ଼ପୋଷଠାରେ ଭୋର ୬ଟା ୧୬ରେ ପହଞ୍ଚି ୬ଟା ୧୭ରେ ହଟିଆ ଅଭିମୁଖେ ଯାତ୍ରା କରିବ। ସେହିପରି ହଟିଆ-ପୁରୀ ତପସ୍ବିନୀ ସ୍ପେସାଲ୍(୦୮୪୫୧) ଗଡ଼ପୋଷଠାରେ ରାତି ୮ଟା ୧୦ରେ ପହଞ୍ଚି ୮ଟା ୧୧ରେ ପୁରୀ ଅଭିମୁଖେ ଯାତ୍ରା କରିବ। ସେହିପରି ଅକ୍ଟୋବର ପହିଲାରୁ ତିନି ମାସ ପାଇଁ ଏହା ଉଭୟ ପାର୍ଶ୍ବରୁ ପରୀକ୍ଷାମୂଳକ ଭିତ୍ତିରେ ବଇଣ୍ଡା ଓ ରେଢ଼ାଖୋଲରେ ମଧ୍ୟ ରହିବ। ବଇଣ୍ଡାରେ ରାତି ୧ଟା ୫୦ରେ ପହଞ୍ଚି ରାତି ୧ଟା ୫୨ରେ ଛାଡ଼ିବ। ସେହିପରି ରେଢ଼ାଖୋଲଠାରେ ରାତି ୨ଟା ୨୮ରେ ପହଞ୍ଚି ୨ଟା ୩୦ରେ ହଟିଆ ଅଭିମୁଖେ ଯାତ୍ରା କରିବ। ଫେରିବା ମାର୍ଗରେ ଏହା ରେଢ଼ାଖୋଲରେ ରାତି ୧୧ଟା ୩୦ରେ ପହଞ୍ଚି ୧୧ଟା ୩୨ରେ ଛାଡ଼ିବ। ବଇଣ୍ଡାଠାରେ ରାତି ୧୨ଟା ୧୨ରେ ପହଞ୍ଚି ୧୨ଟା ୧୪ରେ ପୁରୀ ଅଭିମୁଖେ ଯିବ।