ରାଉରକେଲା: ବିଶ୍ରା ଗୁଡଗୁଡଜୋରରୁ ରାଉରକେଲା ଆସୁଥିବା ଦୁଇଟି ଗୋମାଂସ ବୋଝେଇ ଅଟୋକୁ ବିଶ୍ରା ପୁଲିସ ଜବତ କରିଛି। ଦୁଇଟି ଅଟୋରୁ ୪ କ୍ବିଣ୍ଟାଲରୁ ଅଧିକ ଗୋ ମାଂସ ଜବତ ହୋଇଛି। ଏହି ଘଟଣାରେ ପୁଲିସ ୩ ଜଣକୁ ଗିରଫ କରିଥିବା ଜଣାପଡିଛି। ମିଳିଥିବା ସୂଚନା ମୁତାବକ ଆଜି ବଜରଙ୍ଗ ଦଳର କିଛି କର୍ମୀ ବିଶ୍ରା ଗୁଡଗୁଡଜୋରରୁ ଗୋ ମାଂସ ରାଉରକେଲା ଚାଲାଣ ହେଉଥିବା ସୂଚନା ମିଳିଥିଲା। ସୂଚନା ଆଧାରରେ ବଜରଙ୍ଗକର୍ମୀମାନେ ବନ୍ଧମୁଣ୍ଡା ସି ସେକ୍ଟର ଗୋ ମାଂସ ବୋଝେଇ ଦୁଇ ଅଟୋ ରିକ୍ସା ସହ ତିନି ଚାଲାଣକାରୀକୁ ଧରି ପୁଲିସକୁ ଜିମା ଦେଇଥିଲେ। ଦୈନିକ ଏମିତି କ୍ବିଣ୍ଟାଲ କ୍ବିଣ୍ଟାଲ ‌ଗୋମାଂସ ବିଶ୍ରାର ବିଭିନ୍ନ ଅଞ୍ଚଳରୁ ରାଉରକେଲା ସମେତ ଅନ୍ୟ ଅଞ୍ଚଳକୁ ଚାଲାଣ ହେଉଥିବା ବଜରଙ୍ଗକର୍ମୀ ଅଭିଯୋଗ କରିଛନ୍ତି। ପୁଲିସ ଏଥିପ୍ରତି ଦୃଷ୍ଟି ଦେବାକୁ ସେମାନେ ଦାବି କରିଛନ୍ତି।