ଇବ୍ ଷ୍ଟେସନରେ ଚତୁର୍ଥ ଲାଇନ କାର୍ଯ୍ୟକ୍ଷମ ପାଇଁ ୩ ଟ୍ରେନ୍ ବାତିଲ୍
ଭୁବନେଶ୍ବର : ଦକ୍ଷିଣ ପୂର୍ବ ମଧ୍ୟ ରେଳପଥ ବିଳାସପୁର ରେଳମଣ୍ଡଳର ରାଇଗଡ଼ ଓ ଝାରସୁଗୁଡ଼ା ରେଳ ସେକ୍ସନ ଅନ୍ତର୍ଗତ ଇବ୍ ଷ୍ଟେସନଠାରେ ଚତୁର୍ଥ ଲାଇନ କାର୍ଯ୍ୟକ୍ଷମ ପାଇଁ ପୂର୍ବତଟ ରେଳପଥରୁ ଛାଡ଼ୁଥିବା କିମ୍ବା ରେଳପଥକୁ ଆସୁଥିବା ୩ଟି ଟ୍ରେନ୍ ବାତିଲ୍ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଭୁବନେଶ୍ୱରଠାରୁ ଚଳିତ ମାସ ୨୨, ୨୬ ଓ ୨୯ ତାରିଖରେ ଏବଂ ମୁମ୍ବାଇ ଏଲଟିଟିରୁ ୨୪, ୨୮ ଓ ଅକ୍ଟୋବର ୧ରେ ଛାଡ଼ିବାକୁ ଥିବା ଭୁବନେଶ୍ୱର-ଏଲଟିଟି-ଭୁବନେଶ୍ୱର ଏକ୍ସପ୍ରେସ(୧୨୮୮୦/୧୨୮୭୯), ପୁରୀଠାରୁ ଚଳିତ ମାସ ୨୭ ତାରିଖରେ ଏବଂ ମୁମ୍ବାଇ ଏଲଟିଟିରୁ ୨୯ ତାରିଖରେ ଛାଡ଼ିବାକୁ ଥିବା ପୁରୀ-ଏଲଟିଟି-ପୁରୀ ଏକ୍ସପ୍ରେସ(୨୨୮୬୬/୨୨୮୬୫) ଏବଂ ବିଶାଖାପାଟଣାରୁ ୨୩, ୨୪ ଓ ୨୭ ତାରିଖରେ ଓ ଅମୃତସରରୁ ୨୪, ୨୫ ଓ ୨୮ ତାରିଖରେ ଛାଡ଼ିବାକୁ ଥିବା ବିଶାଖାପାଟନମ୍-ଅମୃତସର-ବିଶାଖାପାଟନମ୍ ହୀରାକୁଦ ଏକ୍ସପ୍ରେସ(୨୦୮୦୭/୨୦୮୦୮) ବାତିଲ ରହିବ। ଭାସ୍କୋ-ଡା-ଗାମାରୁ ଚଳିତ ମାସ ୨୩ ତାରିଖରେ ଏବଂ ଜସିଡିହରୁ ଚଳିତ ମାସ ୨୬ ତାରିଖରେ ଛାଡ଼ିବାକୁ ଥିବା ଭାସ୍କୋ-ଡା-ଗାମା-ଜସିଡିହ-ଭାସ୍କୋ-ଡା-ଗାମା ଏକ୍ସପ୍ରେସ୍ (୧୭୩୨୧/୧୭୩୨୨) ଉଭୟ ପାର୍ଶ୍ୱରୁ ଏହାର ନିର୍ଧାରିତ ମାର୍ଗ ପରିବର୍ତ୍ତେ ସିକନ୍ଦରାବାଦ-ବିଜୟୱାଡା-ଭୁବନେଶ୍ୱର-ନାରାଜ ମାର୍ଥାପୁର-ସମ୍ବଲପୁର ସିଟି ଓ ଝାରସୁଗୁଡ଼ା ମାର୍ଗ ଦେଇ ଚଳାଚଳ କରିବ।