ଭୁବନେଶ୍ବର ଆସନ୍ତା ୨୮ ତାରିଖରେ ଭୁବନେଶ୍ବରରେ ହେବ ଜାତୀୟ ରେଳ ପୁରସ୍କାର ବିତରଣ ଉତ୍ସବ। ଚଳିତବର୍ଷ ଏହି ଉତ୍ସବ ପୂର୍ବତଟ ରେଳପଥ ଆୟୋଜନ କରୁଛି। ଭୁବନେଶ୍ୱରର ରେଳବାଇ ଅଡିଟୋରିୟମରେ ଆୟୋଜିତ ଏହି ଉତ୍ସବରେ କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ, ଖଣି ମନ୍ତ୍ରୀ ରାଓସାହେବ ପାଟିଲ ଡାନଭେ, ରେଳ ରାଜ୍ୟ ମନ୍ତ୍ରୀ ଦର୍ଶନା ଜରଦୋଶ ଯୋଗଦେବେ।
Sambad is now on WhatsApp
Join and get latest news updates delivered to you via WhatsApp
ରେଳବାଇ ବୋର୍ଡର ଅଧ୍ୟକ୍ଷ ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀଙ୍କ ସହ ରେଳବାଇ ବୋର୍ଡର ସମସ୍ତ ସଦସ୍ୟ, ଜୋନାଲ ରେଳବାଇର ମହାପ୍ରବନ୍ଧକ, ରେଳବାଇର ଉତ୍ପାଦନ ୟୁନିଟ୍ଗୁଡିକର ମହାପ୍ରବନ୍ଧକ ଓ ରେଳବାଇର ପିଏସ୍ୟୁଗୁଡ଼ିକର ମୁଖ୍ୟମାନଙ୍କ ସହିତ ରେଳ ମନ୍ତ୍ରଣାଳୟର ମୁଖ୍ୟ ଅଧିକାରୀମାନେ ଉପସ୍ଥିତ ରହିବେ। ରେଳବାଇରେ ଉଲ୍ଲେଖନୀୟ ସେବା ପାଇଁ ବିଭିନ୍ନ ଜୋନାଲ ରେଳବାଇ, ଉତ୍ପାଦନ ୟୁନିଟ୍ ଓ ରେଳବାଇର ପିଏସୟୁଗୁଡିକର ୧୫୫ ଜଣ ରେଳବାଇ କର୍ମଚାରୀଙ୍କୁ ପୁରସ୍କୃତ କରାଯିବାକୁ ଥିବା ବେଳେ ବିଭିନ୍ନ କ୍ଷେତ୍ରରେ କାର୍ଯ୍ୟ ଦକ୍ଷତା ପାଇଁ ଜୋନାଲ ରେଳବାଇ, ଉତ୍ପାଦନ ୟୁନିଟ୍ ଓ ରେଳବାଇ ପିଏସୟୁଗୁଡ଼ିକୁ ସର୍ବମୋଟ ୨୧ଟି ସିଲ୍ଡ ପ୍ରଦାନ କରାଯାଇ ପୁରସ୍କୃତ କରାଯିବ। ପୂର୍ବତଟ ରେଳପଥ ଭୁବନେଶ୍ୱରରେ ଦ୍ୱିତୀୟ ଥର ପାଇଁ ଏହି କାର୍ଯ୍ୟକ୍ରମ ଆୟୋଜନ କରୁଛି।