ଫାଇଲେରିଆ ବଟିକା ଖାଇ ୩ ମହିଳା ଅସୁସ୍ଥ
ଯୁଯୁମୁରା : ଫାଇଲେରିଆ ନିରାକରଣ ପାଇଁ ଚଳିତ ମାସ ୨୫ ତାରିଖରୁ ସାମୂହିକ ଔଷଧ ସେବନ ଅଭିଯାନ ଜାରି ରହିଛି। ଏହି କ୍ରମରେ ଶୁକ୍ରବାର ଯୁଯୁମୁରା ବ୍ଲକ ଝାଙ୍କରପାଲି ପଞ୍ଚାୟତ ବାବୁପାଲି ଗଉରଗୋଠ ଗାଁରେ ଆଶା ଓ ଅଙ୍ଗନବାଡ଼ି କର୍ମୀ ପହଞ୍ଚି ଘରକୁ ଘର ଯାଇ ଔଷଧ ସେବନ କରାଇଥିଲେ। ଔଷଧ ଡିଇସି ଓ ଆଲବେଣ୍ଡାଜଲ ବଟିକା ସେବନର କିଛି ସମୟ ପରେ ପ୍ରାୟ ତିନି ମହିଳାଙ୍କ ବାନ୍ତି ହୋଇଥିଲା। ଯଦ୍ୱାରା ପରିବାର ଲୋକେ ଭୟଭୀତ ହୋଇ ଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ଏନେଇ ସମ୍ପୃକ୍ତ ପରିବାର ଲୋକେ ଆଶା କର୍ମୀଙ୍କୁ ଯୋଗାଯୋଗ କରିଥିଲେ। ଆଶା କର୍ମୀ ଏ ବିଷୟରେ ଉପରିସ୍ଥ ଅଧିକାରୀଙ୍କୁ ଜଣାଇଥିଲେ। ସେମାନଙ୍କୁ ଓଆର୍ଏସ୍ ପାଣି ପିଇବାକୁ ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଥିଲା। କିଛି ସମୟ ପରେ ସେମାନଙ୍କ ବାନ୍ତି ବନ୍ଦ ହୋଇଥିଲା। ବର୍ତ୍ତମାନ ସମସ୍ତେ ସୁସ୍ଥ ଥିବା ଜଣାପଡ଼ିଛି। ଏ ସଂପର୍କରେ ବିଭାଗୀୟ ଅଧିକାରୀ କହିଛନ୍ତି ଏହା ଏକ ସାମାନ୍ୟ ଲକ୍ଷଣ। ଏହାଦ୍ବାରା କୌଣସି ସ୍ବାସ୍ଥ୍ୟଗତ ସମସ୍ୟା ସୃଷ୍ଟି ହେବ ନାହିଁ। ତେଣୁ ଲୋକମାନେ ଭୟଭୀତ ନ ହୋଇ ଔଷଧ ଖାଇବା ସହିତ ଫାଇଲେରିଆକୁ ସମୂଳେ ବିନାଶ କରିବାରେ ସହଯୋଗ କରିବାକୁ ଆହ୍ବାନ ଦିଆଯାଇଛି।