ଭୁବନେଶ୍ୱର: ରାଜ୍ୟରେ ୫ଦିନ ଧରି ବିଭିନ୍ନ ସ୍ଥାନରେ କାଳବୈଶାଖୀର ସମ୍ଭାବନା ରହିଛି ବୋଲି ଭୁବନେଶ୍ୱର ସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସତର୍କ ସୂଚନା ଜାରି କରାଯାଇଛି। ଘଡଘଡି ସହ କାଳବୈଶାଖୀ ନେଇ ୩ଟି ଜିଲ୍ଲାକୁ ପାଣିପାଗ ବିଭାଗ ସତର୍କ ସୂଚନା ଦେଇଛି । ସୁନ୍ଦରଗଡ, ମୟୁରଭଂଜ ଓ ବାଲେଶ୍ୱରରେ ବର୍ଷା ସମ୍ଭାବନା ରହିଛି । ଅପରାହ୍ନ ସାଢ଼େ ୪ଟା ସୁଦ୍ଧା ସତର୍କ ରହିବାକୁ ରାଜ୍ୟ ପାଣିପାଗ ବିଭାଗ ପରାମର୍ଶ ଦେଇଛି।
Sambad is now on WhatsApp
Join and get latest news updates delivered to you via WhatsApp
ବିଶେଷ କରି ଉତ୍ତର ଓଡ଼ିଶା ଓ ଉତ୍ତର ଉପକୂଳ ଓଡ଼ିଶାରେ କାଳବୈଶାଖୀର ପ୍ରଭାବ ଦେଖିବାକୁ ମିଳିବ। ସେହିପରି ସୁନ୍ଦରଗଡ଼, କେନ୍ଦୁଝର ଓ ଦେବଗଡ଼ ଜିଲ୍ଲାରେ ମଧ୍ୟ କାଳବୈଶାଖୀର ପ୍ରଭାବ ରହିଛି ବୋଲି ପାଣିପାଗ କେନ୍ଦ୍ର ପୂର୍ବାନୁମାନ କରିଛି।
ଗତ ଶନିବାର ୬ଟି ସହରର ତାପମାତ୍ରା ୪୦ଡିଗ୍ରି ଟପିଯାଇଛି । ମାଲକାନଗିରିରେ ସର୍ବାଧିକ ୪୨.୬ ଡିଗ୍ରି ତାପମାତ୍ରା ରହିଥିବା ବେଳେ ଟିଟିଲାଗଡରେ ୪୧.୫ଡିଗ୍ରି , ଅନୁଗୁଳରେ ୪୦.୭ ଡିଗ୍ରି ଛୁଇଁଥିଲା ପାରଦ । ସୋନପୁରରେ ୪୦.୬ଡିଗ୍ରିରେ ପହଁଚି ଯାଇଥିଲା। ଝାରସୁଗୁଡାରେ ମଧ୍ୟ ପାରଦ ୪୦ ଡିଗ୍ରି ଛୁଇଁଥିଲା । କଟକରେ ଶୁକ୍ରବାର ସର୍ବାଧିକ ତାପମାତ୍ରା ୩୬.୨ ଡିଗ୍ରି ଥିଲା । ମାତ୍ର ଗୋଟିଏ ଦିନ ପରେ ଅର୍ଥାତ ଶନିବାର ୪ ଡିଗ୍ରି ବି ପାରଦ ୪୦.୧ଡିଗ୍ରିରେ ପହଂଚିଯାଇଥିଲା ।