ଆଜି ‘ସମ୍ବାଦ ମାଟ୍ରିକ ଚାମ୍ପ୍ସ’: ସମ୍ବର୍ଦ୍ଧିତ ହେବେ ଜିଲ୍ଲାର ୭୯ କୃତି ଛାତ୍ରଛାତ୍ରୀ
ରାଉରକେଲା: ପ୍ରତିବର୍ଷ ପରି ଆସନ୍ତାକାଲି (ରବିବାର) ‘ସମ୍ବାଦ’ ପକ୍ଷରୁ ମାଟ୍ରିକ୍ ଚାମ୍ପସ୍ କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଯାଉଛି। ଚଳିତ ଥର ମାଟ୍ରିକ ପରୀକ୍ଷାରେ ୯୨%ରୁ ଅଧିକ ନମ୍ବର ରଖିଥିବା ସୁନ୍ଦରଗଡ ଜିଲ୍ଲାର ୭୯ ଜଣ ଛାତ୍ର ଛାତ୍ରୀ ଓ ସମ୍ପୃକ୍ତ ସ୍କୁଲର ପ୍ରଧାନଶିକ୍ଷକ ଶିକ୍ଷୟିତ୍ରୀମାନଙ୍କୁ ସମ୍ବର୍ଦ୍ଧିତ କରାଯିବ। ରାଉରକେଲା ଛେଣ୍ଡକଲୋନିସ୍ଥ ରିମ୍ସ କଲେଜ ଅଡିଟୋରିୟମ୍ ପରିସରରେ ଅପରାହ୍ନ ୩ଟାରେ ଏହି ସମ୍ବର୍ଦ୍ଧନା ସମାରୋହ ଅନୁଷ୍ଠିତ ହେବ।
Sambad is now on WhatsApp
Join and get latest news updates delivered to you via WhatsApp
‘ସମ୍ବାଦ’ର ନିର୍ବାହୀ ନିର୍ଦ୍ଦେଶିକା ତନୟା ପଟ୍ଟନାୟକ ଓ ମୁଖ୍ୟ ମହାପ୍ରବନ୍ଧକ (ବାର୍ତ୍ତା) ଅରବିନ୍ଦ ଦାସଙ୍କ ଉପସ୍ଥିତିରେ ଏହି ସଭାରେ ମୁଖ୍ୟବକ୍ତା ଭାବେ ବିଶିଷ୍ଟ ଶିକ୍ଷାବିତ୍ ଓ ସାହିତ୍ୟିକ ଅଭିରାମ ବିଶ୍ବାଳ ତଥା ଦୁଇ ସମ୍ମାନିତ ଅତିଥି ଭାବେ ନ୍ୟାସନାଲ ଇନ୍ଷ୍ଟିଚ୍ୟୁଟ୍ ଅଫ୍ ଟେକନଲୋଜି, ରାଉରକେଲାର ନିର୍ଦ୍ଦେଶକ ପ୍ରଫେସର କରନମ ଉମାମହେଶ୍ବର ରାଓ ଓ ଜିଲ୍ଲା ପୁଲିସ ଅଧିକ୍ଷକ ମୁକେଶ କୁମାର ଭାମୁ (ଭାରତୀୟ ପୁଲିସ ସେବା) ଯୋଗ ଦେବାର କାର୍ଯ୍ୟକ୍ରମ ରହିଛି।