ଭୁବନେଶ୍ୱର: ରାଜ୍ୟର ୪ଟି ସହରରେ ଗୁରୁବାର ତାପମାତ୍ରା ୪୦ ଡିଗ୍ରି ଉପରେ ରହିଛି। କାଳବୈଶାଖୀ ଯୋଗୁଁ ବୁଧବାର ରାତିରେ ବର୍ଷା ହୋଇଥିବାରୁ ଆଜି ରାଜ୍ୟରେ ତାପମାତ୍ରା ସାମାନ୍ୟ ହ୍ରାସ ପାଇଛି। ଆଂଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି ଯେ, ଆଜି ରାଜ୍ୟର ମାତ୍ର ୪ଟି ସହରର ତାପମାତ୍ରା ୪୦ ଡିଗ୍ରି ଉପରେ ରହିଥିଲା। ସମ୍ବଲପୁରରେ ତାପମାତ୍ରା ୪୨.୨ ଡିଗ୍ରି ରେକର୍ଡ କରାଯାଇଥିବା ବେଳେ ହୀରାକୁଦରେ ପାରଦ ୪୨.୧ ଡିଗ୍ରିକୁ ଛୁଇଁଥିଲା। ସେହିପରି ସୋନପୁରରେ ୪୨ ଓ ଝାରସୁଗୁଡ଼ାରେ ୪୧.୮ ଡିଗ୍ରି ରେକର୍ଡ କରାଯାଇଥିଲା।