ଆଜି ରାଉରକେଲା-ପୁରୀ ଟ୍ରେନ ଆଂଶିକ ବାତିଲ
ଭୁବନେଶ୍ବର ବଦଳରେ ଟିଟିଲାଗଡ଼ ଦେଇ ଆସିବ ହୀରାକୁଦ ଏକ୍ସପ୍ରେସ୍
ସମ୍ବଲପୁର: ସମ୍ବଲପୁର-ଭୁବନେଶ୍ବର ରେଳ ମାର୍ଗରେ ବୁଢ଼ାପଙ୍କ-ଅନଗୁଳ ସେକ୍ସନ ଅନ୍ତର୍ଗତ ତାଳଚେର ଷ୍ଟେସନ୍ରେ ନିରାପତ୍ତାଜନିତ ଆଧୁନିକୀକରଣ କାର୍ଯ୍ୟ ଯୋଗୁଁ ୧୦ ତାରିଖ ମଙ୍ଗଳବାର ଦିନ ୧୮୧୨୫/୧୮୧୨୬ ରାଉରକେଲା-ପୁରୀ-ରାଉରକେଲା ଏକ୍ସପ୍ରେସ୍ ସମ୍ବଲପୁରରୁ ପୁରୀ ମଧ୍ୟରେ ଉଭୟ ଦିଗରୁ ବାତିଲ ରହିବ। ସେହିପରି ୨୦୮୦୭ ବିଶାଖାପାଟଣା-ଅମୃତସର ହୀରାକୁଦ ଏକ୍ସପ୍ରେସ୍ ବିଶାଖାପାଟଣାରୁ ବାହାରି ବିଜୟନଗରମ୍, ଟିଟିଲାଗଡ଼, ସମ୍ବଲପୁର ଦେଇ ନିଜ ନିର୍ଦ୍ଧାରିତ ମାର୍ଗରେ ଅମୃତସର ଅଭିମୁଖେ ଯାତ୍ରା କରିବ।
Sambad is now on WhatsApp
Join and get latest news updates delivered to you via WhatsApp
ଏହା ୧୦ ତାରିଖ ଦିନ ନିଜ ନିର୍ଦ୍ଧାରିତ ମାର୍ଗ ଖୋର୍ଧା ରୋଡ୍-ଭୁବନେଶ୍ବର-ତାଳଚେର-ଅନୁଗୁଳ ଦେଇ ଯିବ ନାହିଁ। ଏହାଛଡ଼ା ୦୮୪୨୭ ଅନୁଗୁଳ-ପୁରୀ ସ୍ବତନ୍ତ୍ର ଟ୍ରେନ୍ ଅନୁଗୁଳରୁ ତାଳଚେର ରୋଡ୍, ବୁଢ଼ାପଙ୍କ ଦେଇ ପୁରୀ ଅଭିମୁଖେ ଯାତ୍ରା କରିବ। ଏହା ତାଳଚେର ଷ୍ଟେସନ୍କୁ ଯିବ ନାହିଁ ବୋଲି ରେଳବାଇ ସୂତ୍ରରୁ ପ୍ରକାଶ।