Sambad is now on WhatsApp
Join and get latest news updates delivered to you via WhatsApp
ପାହାଡ଼ ଉପରୁ ସାଲୁଙ୍କି ନଦୀର ଜଳଧାରା ତଳକୁ ବହି ଜଳପ୍ରପାତ ସୃଷ୍ଟି ହୋଇଛି। ଏଠାକାର ପ୍ରାକୃତିକ ଶୋଭାରାଜି, ଘଞ୍ଚ ଶାଳ ଜଙ୍ଗଲ ଏବଂ ସବୁଜ ପାହାଡ଼, ସାଲୁଙ୍କିର ସର୍ପବକ୍ରିଳ ଗତିପଥ, ପଥୁରିଆ ଶଯ୍ୟା ଯେକୌଣସି ପର୍ଯ୍ୟଟକଙ୍କୁ ବିମୋହିତ କରୁଛି। ସାଲୁଙ୍କି ନଦୀର ପଥୁରିଆ ଶଯ୍ୟା ବଣଭୋଜି ପାଇଁ ଉତ୍କୃଷ୍ଟ ସ୍ଥଳ। ଛୁଟିଦିନ ମାନଙ୍କରେ ଏଠାରେ କନ୍ଧମାଳ ଜିଲ୍ଲା ବାହାରୁ ଏବଂ ଜିଲ୍ଲା ମଧ୍ୟରୁ ବହୁ ସଂଖ୍ୟାରେ ପର୍ଯ୍ୟଟକ ଛୁଟି ଆସିଥାନ୍ତି। ହେଲେ ଫୁଲବାଣୀ ସହରରୁ ଗୋଛାପଡ଼ା ରାସ୍ତାରେ ପୁତୁଡି ଜଳପ୍ରପାତ ସ୍ଥଳକୁ ଯିବା ପାଇଁ ରାସ୍ତାରେ ଫଳକଟିଏ ବି ନାହିଁ। ଯଦିଓ ତୁଡ଼ିପାଜୁ ଛକରେ ଏକ ସୂଚନା ଫଳକ ଲଗାଯାଇଥିଲା, ମାତ୍ର ଦୁର୍ବୃତ୍ତମାନେ ଏହାକୁ ଭାଙ୍ଗି ଦେଇଛନ୍ତି। ସେବେଠୁ ଆଉ ନୂଆ ସୂଚନା ଫଳକ ଲଗାଯାଇନାହିଁ। ତୁଡ଼ିପାଜୁ ଛକରୁ ୬ କିଲୋମିଟର ରାସ୍ତାର ବିକାଶ କରାଯାଇପାରିଲେ ଏଠାକୁ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ପାଇପାରିବ ବୋଲି ମତପ୍ରକାଶ ପାଇଛି।