ସୁରକ୍ଷା ସମ୍ପର୍କିତ କାର୍ଯ୍ୟ ପାଇଁ ୩ ଟ୍ରେନ୍‌ ପ୍ରଭାବିତ

ଭୁବନେଶ୍ବର : ଦକ୍ଷିଣ କେନ୍ଦ୍ରୀୟ ରେଳପଥ ଅନ୍ତର୍ଗତ ଗୁଁଟୁର ଓ ଗୁଁଟକାଲ ରେଳ ସେକ୍ସନ ମଧ୍ୟରେ ଦୋହରୀକରଣ କାର୍ଯ୍ୟ ସହ ବିଦ୍ୟୁତୀକରଣ କାର୍ଯ୍ୟକ୍ଷମ ପାଇଁ ଭୁବନେଶ୍ୱରରୁ ବାଙ୍ଗାଲୋର ଯାଉଥିବା ପ୍ରଶାନ୍ତି ଏକ୍ସପ୍ରେସ ଓ ପୁରୀରୁ ଯଶୋବନ୍ତପୁର ଯାଉଥିବା ଗରିବ ରଥ ଏକ୍ସପ୍ରେସ ପ୍ରଭାବିତ ହେବ। ଭୁବନେଶ୍ୱର-ବାଙ୍ଗାଲୋର-ଭୁବନେଶ୍ୱର ପ୍ରଶାନ୍ତି ଏକ୍ସପ୍ରେସ(୧୮୪୬୩/୧୮୪୬୪) ଜାନୁଆରି ୨୭ରୁ ଫେବ୍ରୁଆରି ୪ ମଧ୍ୟରେ ଭୁବନେଶ୍ୱରଠାରୁ ଓ ଜାନୁଆରି ୨୬ରୁ ଫେବ୍ରୁଆରି ୪ ମଧ୍ୟରେ ବାଙ୍ଗାଲୋରଠାରୁ ଏହାର ନିର୍ଧାରିତ ମାର୍ଗ କ୍ରୀଷ୍ଣାକେନାଲ-ଗୁଁଟୁର-ଗୁଁଟକାଲ-ଧର୍ମାବରମ ପରିବର୍ତ୍ତେ କ୍ରୀଷ୍ଣାକେନାଲ-ଗୁଡ଼ୁର-ରେଣିଗୁଣ୍ଟI-ମେଲପାକକମ-କାଟପାଡି-ଜୋଲାରପେଟଟାଇ ମାର୍ଗରେ ଯାତ୍ରା କରିବ।

ସେହିପରି ପୁରୀ-ଯଶୋବନ୍ତପୁର-ପୁରୀ ଗରିବ ରଥ ଏକ୍ସପ୍ରେସ (୨୨୮୮୩/ ୨୨୮୮୪) ପୁରୀଠାରୁ ଜାନୁଆରି ୩୧ ଓ ଯଶୋବନ୍ତପୁରରୁ ଫେବ୍ରୁଆରି ପହିଲା ଦିନ ପରିବର୍ତ୍ତିତ ମାର୍ଗ କ୍ରୀଷ୍ଣାକେନାଲ-ଗୁଡ଼ୁର-ରେଣିଗୁଣ୍ଟା-ମେଲପାକ୍କମ-କାଟପାଡି-ଜୋଲାରପେଟଟାଇ ମାର୍ଗରେ ଚାଲିବ। ଏହାବ୍ୟତୀତ ଅନୁଗୁଳ-ସମ୍ବଲପୁର ରେଳ ସେକ୍ସନରେ ଯୁଜୁମୁରା-ଚାରମାଳ ଓ ବଇଣ୍ଡା-ଜରପଡା ଷ୍ଟେସନ ମଧ୍ୟରେ ରେଳଧାରଣା ତଳେ ଉପମାର୍ଗ ନିର୍ମାଣ ପାଇଁ ସୁରକ୍ଷା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟ ଯୋଗୁଁ ରାଉରକେଲା-ପୁରୀ-ରାଉରକେଲା ପାସେଞ୍ଜର ଟ୍ରେନ(୫୮୧୩୧/୫୮୧୩୨)କୁ ଉଭୟ ଦିଗରୁ ଆସନ୍ତା ୨୪ ତାରିଖ ଦିନ ବାତିଲ କରାଯିବାକୁ ନିଷ୍ପତ୍ତି ନିଆଯାଇଛି।

ସମ୍ବନ୍ଧିତ ଖବର

Comments are closed.