ଭୁବନେଶ୍ୱର: ଓଡ଼ିଶା ସରକାରଙ୍କ ପରିବହନ ବିଭାଗ ଆଗାମୀ ତିନି ମାସ ପାଇଁ ଯାନବାହନ ଚାଳକଙ୍କୁ ଆଶ୍ୱସ୍ତି ଦେଇଛି। ଅର୍ଥାତ ଏହି ତିନି ମାସର ସମୟ ମଧ୍ୟରେ ଯାନବାହନ ସଂପର୍କିତ ପ୍ରମାଣପତ୍ର ନଥିଲେ ମଧ୍ୟ ଗାଡ଼ି ଚଳାଇବାରେ କୌଣସି ଅସୁବିଧା ହେଉ ନାହିଁ। ରାଜ୍ୟ ପରିବହନ କର୍ତ୍ତୃପକ୍ଷ ଏଭଳି ସଚେତନତା ବାର୍ତ୍ତା ଦେଇଛି। ଏବେ ଗାଡ଼ିର କାଗଜପତ୍ର ଯାଞ୍ଚ କରାଯାଉ ନାହିଁ କିନ୍ତୁ ଯଦି ଟ୍ରାଫିକ୍ ପୁଲିସ ଅଥବା ପରିବହନ ବିଭାଗ ନିୟମ ଉଲଂଘନକାରୀଙ୍କୁ ଧରିଥାଏ, ତା’ହେଲେ ନିସ୍ତାର ମିଳିବ ନାହିଁ। ସଡ଼କ ସୁରକ୍ଷା ନିୟମ ଉଲଂଘନ କଲେ ଉଲଂଘନକାରୀଙ୍କୁ ଜରିମାନା ଦେବାକୁ ପଡ଼ିବ। ରାଜ୍ୟ ପରିବହନ କର୍ତ୍ତୃପକ୍ଷ ସଡ଼କ ସୁରକ୍ଷା ସଂପର୍କିତ ଏକ ଟୁଇଟ୍ରେ ଏହି ସୂଚନା ଦେଇଛି।
Sambad is now on WhatsApp
Join and get latest news updates delivered to you via WhatsApp
କେଉଁ କାମ ପାଇଁ କେତେ ଟଙ୍କା ଜରିମାନା
-ମଦପିଇ ଗାଡ଼ି ଚଳାଇଲେ: ୧୦ ହଜାର ଟଙ୍କା
-ଦ୍ରୁତଗତିରେ ଗାଡ଼ି ଚଳାଇଲେ: ୫ ହଜାର ଟଙ୍କା
-ଗାଡ଼ି ଚଳାଇବା ବେଳେ ମୋବାଇଲ ବ୍ୟବହାର କଲେ: ୫ ହଜାର ଟଙ୍କା
-ବିପଦପୁର୍ଣ୍ଣ ଗାଡ଼ି ଚଳାଇଲେ: ୫ ହଜାର ଟଙ୍କା
-ବାଇକ୍ରେ ୩ ଜଣ ବସି ଗାଡ଼ି ଚଳାଇଲେ: ୧ ହଜାର ଟଙ୍କା
-ଧାର୍ଯ୍ୟ ସୀମାଠାରୁ ଅଧିକ ଓଜନ ନେଲେ: ପ୍ରତି ଅତିରିକ୍ତ ଟନ୍ ପିଛା ୨ ହଜାର ଟଙ୍କା
-ରେଡ ଲାଇଟ୍ ଡେଇଁଲେ: ୫ ହଜାର ଟଙ୍କା
Transport and Police department are enforcing the road safety violations through out the state. Routine paper documents are not checked. If the rider is violating any of the road safety provision, then e-challan is issued and documents are also checked.#SafeOdisha #SaveLife pic.twitter.com/XCGuUapk0k
— STA Odisha (@STAOdisha) December 13, 2019
ଏବେ ନିୟମିତ ଭାବେ ଗାଡ଼ିର କାଗଜପତ୍ର ଯାଞ୍ଚ କରାଯାଉ ନାହିଁ। ତଥାପି ଯଦି କେହି ଚାଳକ ସଡ଼କ ସୁରକ୍ଷା ନିୟମ ଉଲଂଘନ କରୁଛି, ତା’ ହେଲେ ଇ-ଚାଲାଣ କଟାଯିବା ସହିତ ସଂପୃକ୍ତ ବ୍ୟକ୍ତିଙ୍କର କାଗଜପତ୍ର ଯାଞ୍ଚ କରାଯାଇଛି।