୬ ଜଣଙ୍କ ଗସ୍ତ ବିବରଣୀ ଦେଲେ ରାଜ୍ୟ ସରକାର: ଜାଣନ୍ତୁ ଏମାନେ କେମିତି କରୋନାର ଶିକାର ହେଲେ
୫ଜଣ କୋଲକାତା ଫେରନ୍ତା ପୁରୁଷ, ସଂପର୍କୀୟଙ୍କ ସଂସ୍ପର୍ଶରେ ଆସିଥିଲେ ଜଣେ ଯୁବତୀ
ଭୁବନେଶ୍ୱର: ରାଜ୍ୟ ସରକାର ଆଜି ରାଜ୍ୟର ୬ ଜଣ କରୋନା ଭାଇରସରେ ଆକ୍ରାନ୍ତଙ୍କ ଗସ୍ତ ବିବରଣୀ ଦେଇଛନ୍ତି । ଏମାନଙ୍କ ମଧ୍ୟରୁ ୫ ଜଣ (୧୨୩ରୁ ୧୨୭ ନମ୍ବର କରୋନା ଆକ୍ରାନ୍ତ) ହେଉଛନ୍ତି କୋଲକାତା ଫେରନ୍ତା । ଅନ୍ୟ ଜଣେ ସଂପର୍କୀୟଙ୍କ ସଂସ୍ପର୍ଶରେ ଆସି କରୋନା ଭାଇରସର ଶିକାର ହୋଇଛନ୍ତି । ଏହି ୬ ଜଣ ବ୍ୟକ୍ତି ବାଲେଶ୍ୱର, ଭଦ୍ରକ ଓ ଯାଜପୁର ଜିଲ୍ଲା ନିବାସୀ ।
Sambad is now on WhatsApp
Join and get latest news updates delivered to you via WhatsApp
ରାଜ୍ୟର ୧୨୩ ନମ୍ବର କରୋନା ଆକ୍ରାନ୍ତ ତଥା ଯାଜପୁର ଜିଲ୍ଲାର ଦଶରଥପୁର ବ୍ଲକ ଅନ୍ତର୍ଗତ ଦେଓପଡ଼ା ଗାଁର ୬୫ ବର୍ଷିଅ ପୁରୁଷ ହାଓଡା ଠାରୁ ପୁଅଙ୍କ ସହିତ ଏକ ବାଇକରେ ଆସି ଏପ୍ରିଲି ୧୨ରେ ଘରେ ପହଞ୍ଚିଥିଲେ । ସେ ଜିଲ୍ଲା ମୁଖ୍ୟ ଡାକ୍ତରଖାନାକୁ ଯାଇ ଏପ୍ରିଲ ୧୩ରେ ନାମ ପଞ୍ଜୀକରଣ କରିଥିଲେ । ଏହା ପରେ ସେ ଏପ୍ରିଲ ୨୪ ଯାଏଁ ହୋମ କ୍ୱାରେଣ୍ଟାଇନରେ ଥିଲେ । ଏପ୍ରିଲ ୨୫ରେ ସରକାରୀ କ୍ୱାରେଣ୍ଟାଇନକୁ ସ୍ଥାନାନ୍ତରିତ ହେବା ପରେ ୨୯ ତାରିଖ କରୋନା ପଜିଟିଭ ଚିହ୍ନଟ ହୋଇଥିଲେ । ତାଙ୍କୁ ଏପ୍ରିଲ ୩୦ରେ ଟାଟା କୋଭିଡ ହସ୍ପିଟାଲ କଳିଙ୍ଗ ନଗରକୁ ପଠାଯାଇଛି ।
Travel History of #Covid19 Patients
Case No: 123, 124 & 125Contact tracing and follow-up action is being done. pic.twitter.com/fiHLwCTxGm
— I & PR Department, Odisha (@IPR_Odisha) May 1, 2020
ବାଲେଶ୍ୱର ଜିଲ୍ଲା ସିମୁଳିଆ ବ୍ଲକର କନ୍ଦଡା ଗାଁର ୬୧ ବର୍ଷିଅ ବୃଦ୍ଧ ହେଉଛନ୍ତି ରାଜ୍ୟର ୧୨୪ ନମ୍ବର କରୋନା ଆକ୍ରାନ୍ତ । ସେ ଏକ ଭଡା ଗାଡ଼ିରେ କୋଲକାତାରୁ ଆସିଥିଲେ । ସାଥୀରେ ଅନ୍ୟ ଯାତ୍ରୀମାନେ ମଧ୍ୟ ଥିଲେ । ସେ ଭଦ୍ରକରେ ପହଞ୍ଚିବା ପରେ ରାତିରେ ଦଳଙ୍ଗାଯୋଡ଼ି ମନ୍ଦିରରେ ରହିଥିଲେ ଏବଂ ମାର୍ଚ୍ଚ ୩୦ରେ ଘରକୁ ଫେରିଥିଲେ । ସେ ମାର୍ଚ୍ଚ ୩୧ରୁ ଏପ୍ରିଲ ୧୫ ଯାଏଁ ହୋମ କ୍ୱାରେଣ୍ଟାଇନରେ ଥିଲେ । ଏପ୍ରିଲ ୧୬ରୁ ୨୯ ମଧ୍ୟରେ ସେ ବିଭିନ୍ନ ଦୋକାନକୁ ଯାଇଥିଲେ । ମାର୍ଚ୍ଚ ୨୯ରେ ସେ ପଜିଟିଭ ଚିହ୍ନଟ ହେବା ପରେ ତାଙ୍କୁ କଟକସ୍ଥିତ ଅଶ୍ୱିନୀ କୋଭିଡ ହସ୍ପିଟାଲକୁ ପଠାଯାଇଛି ।
ବାଲେଶ୍ୱର ଜିଲ୍ଲାର ସୋର ବ୍ଲକ ଅନ୍ତର୍ଗତ ସୁନାରୀ ଗାଁର ୬୩ ବର୍ଷିଅ ବୃଦ୍ଧ ହେଉଛନ୍ତି ରାଜ୍ୟର ୧୨୫ ନମ୍ବର କରୋନା ଆକ୍ରାନ୍ତ । ଏପ୍ରିଲ ୨୪ରୁ କୋଲକାତାରୁ ବାହାରି ଏପ୍ରିଲ ୨୫ରେ ଘରକୁ ପହଞ୍ଚିଥିଲେ । ସେ ପ୍ରଥମେ ଏକ ଟ୍ରକରେ ଆସିଥିଲେ ପରେ ଚାଲିଚାଲି ଘରେ ପହଞ୍ଚିଥିଲେ । ଏପ୍ରିଲ ୨୫ରୁ ୨୯ ଯାଏଁ ସରକାରୀ କ୍ୱାରେଣ୍ଟାଇନରେ ଥିଲେ । ଏପ୍ରିଲ ୨୯ରେ ସେ କରୋନା ପଜିଟିଭ ଚିହ୍ନଟ ହୋଇଥିଲେ । ତାଙ୍କୁ ଏପ୍ରିଲ ୨୯ରେ ଅଶ୍ୱିନୀ କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
Travel History of #Covid19 Patients
Case No: 126, 127 & 128Contact tracing and follow-up action is being done. pic.twitter.com/uVp6HlqHaW
— I & PR Department, Odisha (@IPR_Odisha) May 1, 2020
ରାଜ୍ୟର ୧୨୬ ନମ୍ବର କରୋନା ଆକ୍ରାନ୍ତଙ୍କ ଘର ସୋର ବ୍ଲକର ବ୍ରାହ୍ମଣସବିରା । ୪୪ ବର୍ଷିଅ ପୁରୁଷ କୋଲକାତା ଠାରୁ ୮ ଜଣ ସହ ଯାତ୍ରୀଙ୍କ ସହିତ ଆସିଥିଲେ । ସେ ମାର୍ଚ୍ଚ ୨୭ରେ ସେଠାରୁ ବାହାରି ମାର୍ଚ୍ଚ ୨୮ରେ ଘରେ ପହଞ୍ଚିଥିଲେ । ମାର୍ଚ୍ଚ ୨୮ରେ ସେ ନାମ ପଞ୍ଜୀକରଣ କରିଥିଲେ । ମାର୍ଚ୍ଚ ୨୮ରୁ ୨୯ ଯାଏଁ ଘରେ ଥିଲେ । ସେ ୨୯ ତାରିଖରେ ପଜିଟିଭ ଚିହ୍ନଟ ହେବା ପରେ ତାଙ୍କୁ ଅଶ୍ୱିନୀ କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
ଯାଜପୁର ଜିଲ୍ଲାର ଦଶରଥପୁର ବ୍ଲକର କଟିକଟା ଗାଁର ୫୬ ବର୍ଷିଅ ପୁରୁଷ ହେଉଛନ୍ତି ରାଜ୍ୟର ୧୨୭ ନମ୍ବର କରୋନା ଆକ୍ରାନ୍ତ । ମାର୍ଚ୍ଚ ୨୦ରେ କୋଲକାତାରୁ ଜଣେ ସାଙ୍ଗଙ୍କ ସହିତ ଘରକୁ ଫେରିଥିଲେ । ସେ ମାର୍ଚ୍ଚ ୩୧ରୁ ଏପ୍ରିଲ ୨୯ ଯାଏଁ ଘରେ ଥିଲେ । ଏହି ସମୟ ମଧ୍ୟରେ ସେ ଗାଁରେ ବୁଲାବୁଲି କରିଥିଲେ । ଏପ୍ରିଲ ୨୯ରେ ସେ ପଜିଟିଭ ଚିହ୍ନଟ ହୋଇଥିଲେ । ତାଙ୍କୁ କଳିଙ୍ଗ ନଗରସ୍ଥିତ କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
ରାଜ୍ୟର ୧୨୮ ନମ୍ବର କରୋନା ଆକ୍ରାନ୍ତଙ୍କୁ ମଧ୍ୟ କରୋନା ପଜିଟିଭ ଚିହ୍ନଟ ହେବା ପରେ ମାର୍ଚ୍ଚ ୨୯ରେ କଳିଙ୍ଗ ନଗର କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ଯାଜପୁର ଜିଲ୍ଲାର ଦଶରଥପୁର ପଞ୍ଚାୟତର କଟିକଟା ଗାଁର ୧୮ ବର୍ଷୀୟ ଯୁବତୀ ୯୭ ନମ୍ବର କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ । ମାର୍ଚ୍ଚ ୨୨ରେ ଲକଡାଉନ ଆରମ୍ଭ ହେବା ପରେ ଏପ୍ରିଲ ୨୯ ଯାଏଁ ଘରେ ଥିଲେ । ଏହି ସମୟ ମଧ୍ୟରେ ସେ ବିଭିନ୍ନ ଦୋକାନକୁ ଯାଇଥିଲେ ।