ମୟୂରଭଞ୍ଜରେ ଖୋଲିବ ଜନଜାତି ବିଶ୍ୱବିଦ୍ୟାଳୟ! କେନ୍ଦ୍ରମନ୍ତ୍ରୀଙ୍କ ସହ ୭ ଜଣିଆ ପ୍ରତିନିଧି ଦଳ ଜାଗା ବୁଲି ଦେଖିଲେ

ରାଇରଙ୍ଗପୁର: ମୟୂରଭଞ୍ଜ ଜିଲ୍ଲାରେ ଖୋଲିବ ଟ୍ରାଇବଲ୍‌ ୟୁନିଭର୍‌ସିଟି ବା ଜନଜାତି ବିଶ୍ବବିଦ୍ୟାଳୟ। ଏପରି ଏକ ଉତ୍ସାହଜନକ ଖବର ମିଳିବା ପରେ ବିଭିନ୍ନ ମହଲରେ ଖୁସି ପ୍ରକାଶ ପାଇଛି। ଜିଲ୍ଲାରେ ବିଶ୍ବବିଦ୍ୟାଳୟ ଖୋଲିବା ନେଇ ପ୍ରସ୍ତାବ ଥିବାବେଳେ ତାହା କାର୍ଯ୍ୟକାରୀ କରିବାକୁ ସ୍ଥାନୀୟ ସାଂସଦ ତଥା କେନ୍ଦ୍ରମନ୍ତ୍ରୀ ବିଶ୍ବେଶ୍ବର ଟୁଡୁ ତତ୍ପରତା ପ୍ରକାଶ କରିଛନ୍ତି।

ଗତକାଲି କେନ୍ଦ୍ରମନ୍ତ୍ରୀ ଶ୍ରୀ ଟୁଡ଼ୁଙ୍କ ତତ୍ତ୍ୱାବଧାନରେ ମଧ୍ୟପ୍ରଦେଶସ୍ଥିତ ଇନ୍ଦିରା ଗାନ୍ଧୀ ଜାତୀୟ ଜନଜାତି ବିଶ୍ୱବିଦ୍ୟାଳୟର ଏକ ୭ ଜଣିଆ ପ୍ରତିନିଧି ଦଳ ଜିଲ୍ଲାର ଏକାଧିକ ଅଞ୍ଚଳ ବୁଲିଛନ୍ତି। ାହା ଜଣାପଡ଼ିଛି, ଜାଗା ସ୍ଥିର ହେବାପରେ ଅନୁମୋଦନ ପାଇଁ କେନ୍ଦ୍ର ସରକାରଙ୍କୁ ଅବଗତ କରାଯିବ। ସେହି ଅନୁସାରେ ବିଶ୍ବବିଦ୍ୟାଳୟ ପ୍ରତିଷ୍ଠା ବାବଦ ଆନୁସଂଗିକ କାର୍ଯ୍ୟପନ୍ଥା ହାତକୁ ନିଆଯିବ। ସୂଚନାଥାଉକି, ବିଶ୍ୱବିଦ୍ୟାଳୟ ପ୍ରତିଷ୍ଠା ପାଇଁ ଅତିକମ୍‌ରେ ୫୦ ଏକର ଜମି ଆବଶ୍ୟକ।