ରେଳ ଦୁର୍ଘଟଣା: ବାହାନଗାରେ ଶ୍ରଦ୍ଧାଞ୍ଜଳି ସଭା ଆଜି
ସାମୂହିକ ବେଦପାଠ ସହ କରାଯିବ ସର୍ବଧର୍ମ ପ୍ରାର୍ଥନା ସଭା
ବାହାନଗା : ବାହାନଗା ରେଳ ଦୁର୍ଘଟଣାରେ ଅକାଳରେ ପ୍ରାଣ ହରାଇଥିବା ବ୍ୟକ୍ତିଙ୍କ ଅମର ଆତ୍ମାର ସଦ୍ଗତି ପ୍ରାପ୍ତି ନିମନ୍ତେ ଆସନ୍ତକାଲି ୧୧ ତାରିଖରେ ସ୍ଥାନୀୟ ଜନସାଧାରଣଙ୍କ ତରଫରୁ ଦଶାହ କର୍ମର ଆୟୋଜନ କରାଯାଇଛି। ସୋର, ବାହାନଗା ଓ ବାଲେଶ୍ବରର ବିଭିନ୍ନ ସାମାଜିକ ଓ ସାଂସ୍କୃତିକ ସଂଗଠନ ପକ୍ଷରୁ ଏହି ପରିପ୍ରେକ୍ଷୀରେ ପ୍ରଥମେ ମୁଣ୍ଡନ କର୍ମ ରହିଛି। ପ୍ରାଣ ହରାଇଥିବା ରେଳଯାତ୍ରୀମାନଙ୍କୁ ସେଦିନ ଉଦ୍ଧାର କରିଥିବା ବ୍ୟକ୍ତିମାନେ ଏହି ମୁଣ୍ଡନ କର୍ମରେ ସାମିଲ ହେବେ।
Sambad is now on WhatsApp
Join and get latest news updates delivered to you via WhatsApp
୧୨ ତାରିଖ ସୋମବାର ସକାଳ ୫ ଟାରେ ବିଶ୍ୱଶାନ୍ତି ମହାଯଜ୍ଞ, ଅଷ୍ଟ ପ୍ରହର ନାମଯଜ୍ଞ, ୯ଟାରେ ଅଖଣ୍ଡ ଗାୟତ୍ରୀ ଯଜ୍ଞ, ୧୦ ଟାରେ ସର୍ବଧର୍ମ ପାର୍ଥନା ସଭା, ଶ୍ରଦ୍ଧାଞ୍ଜଳି, ସାମୂହିକ ବେଦପାଠ ଓ ଦୀପଦାନ ଆଦି କାର୍ଯ୍ୟକ୍ରମ ରହିଥିବା ବେଳେ ପ୍ରସାଦସେବନ ଲାଗି ବ୍ୟବସ୍ଥା ହୋଇଛି। ସେହିପରି ୧୩ ତାରିଖ ମଙ୍ଗଳବାର ଦିନ ସକାଳ ୫ଟାରେ ଶୋଭାଯାତ୍ରା, ୬ଟାରେ ବିଶ୍ୱଶାନ୍ତି ଗାୟତ୍ରୀ ମହାଯଜ୍ଞ,୧୧ ଟାରେ ସାମୂହିକ ପ୍ରସାଦସେବନ ଲାଗି ବ୍ୟବସ୍ଥା ରହିଥିବା ବେଳେ ଅପରାହ୍ଣ ୩ ଟାରେ ବିଷ୍ଣୁପୁର ଋତୁମ୍ଭରା ଆନ୍ତର୍ଜାତିକ ସଂଘ ତରଫରୁ ୫୦୦୮ ଦୀପଦାନ ଏବଂ ଅମୃତଧାରା ସତ୍ସଙ୍ଗ ସମାରୋହ ପାଳିତ ହେବ ବୋଲି ସଂଗଠନର ଆବାହକ ଶରତ କୁମାର ରାଜ ଓ ନୀଳାମ୍ବର ମହାଳିକ ସୂଚନା ଦେଇଛନ୍ତି।