ହୀରାକୁଦ/ବୁର୍ଲା: ଅଇଁଠାପାଲି ଥାନା ବରେଇପାଲି ଠାରେ ମଙ୍ଗଳବାର ଦିନ ଏକ ଅଟୋ(ଓଡି ୧୫ ଏଚ୍‌ 0୧୮୮) ଏକ ଟ୍ରକ୍‌(ଏମ୍‌ଏଚ୍‌ ୪୦ବିଏଲ୍‌ ୭୯୪୦)କୁ ପଛପଟୁ ଧକ୍କା ଦେଇଥିଲା। ଦିନ ୩ଟା ପାଖାପାଖି ଘଟିଥିବା ଏହି ଦୁର୍ଘଟଣାରେ ଅଟୋରେ ଥିବା ଦେଢ଼ ବର୍ଷର ଶିଶୁ ସହ ସମସ୍ତ ୮ ଜଣ ଆହତ ହୋଇଥିଲେ।

Advertisment

ସମସ୍ତଙ୍କୁ ଆମ୍ବୁଲାନ୍ସ ଯୋଗେ ବୁର୍ଲା ବଡ଼ ଡାକ୍ତରଖାନାକୁ ପଠା ଯାଇଥିଲା। ଜଣେ ସୁସ୍ଥ ହୋଇ ଘରକୁ ଫେରିଥିବା ବେଳେ ଅନ୍ୟମାନେ ଚିକିତ୍ସାଧୀନ ଅଛନ୍ତି। ସମସ୍ତେ ସୁସ୍ଥ ଥିବା ଜଣାପଡ଼ିଛି। ଏ ନେଇ ଅଇଁଠାପାଲି ଥାନାରେ କୌଣସି ଅଭିଯୋଗ ହୋଇନାହିଁ। ଅନ୍ୟପଟେ ପୁଲିସ ଦୁର୍ଘଟଣା ଘଟାଇଥିବା ଗାଡ଼ିକୁ ଜବତ କରିଥିବା ଜଣାପଡ଼ିଛି। ସୂଚନାନୁସାରେ, ଅଟୋରେ ବୁର୍ଲାରୁ ସେମାନେ ସମ୍ବଲପୁରକୁ ଯାଉଥିଲେ। ବରେଇପାଲି ନିକଟରେ ଏକ ଟ୍ରକ୍‌କୁ ଅଟୋଟି ଧକ୍କା ଦେଇଥିଲା।