ବାଇକ୍‌ ଉପରେ ମାଡ଼ିଗଲା ଟ୍ରକ, ଯୁବକ ମୃତ

ଆନନ୍ଦପୁର: ଘସିପୁରା ଥାନା ୨୦ ନମ୍ବର ଜାତୀୟ ରାଜପଥ ଶୈଲଙ୍ଗ ନିକଟରେ ଅଜଣା ଟ୍ରକ ଧକ୍କାରେ ଜଣେ ବାଇକ୍ ଆରୋହୀଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। ମୃତକ ହେଉଛନ୍ତି ସ୍ଥାନୀୟ କଇନିପୁରା ଗ୍ରାମର ସୋରେନ୍ ପାତ୍ର(୧୮)। ସୋରେନ୍ ନିଜର ବନ୍ଧୁ ସିଲୁ ପ୍ରଧାନ(୨୦)ଙ୍କ ସହିତ ବାଇକରେ ଯାଉଥିବାବେଳେ ବିପରୀତ ଦିଗରୁ ଆସୁଥିବା ଏକ ଟ୍ରକ ତାଙ୍କ ଉପରେ ମାଡ଼ି ଯାଇଥିଲା।

ସୋରେନଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବାବେଳେ ସିଲୁଙ୍କୁ ଗୁରୁତର ଅବସ୍ଥାରେ ଆନନ୍ଦପୁର ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରାଯାଇଛି। ଦୁର୍ଘଟଣା ଘଟାଇ ଟ୍ରକ ଫେରାର ‌ହୋଇଯାଇଥିବାବେଳେ ଘସିପୁରା ପୁଲିସ୍ ଘଟଣାର ତଦନ୍ତ କରୁଛି।