ବସ୍ତା-୨/ଗାନ୍ଧିଛକ : ବାଲେଶ୍ୱର ଜିଲ୍ଲା ବସ୍ତା ଥାନା ୬୦ ନମ୍ବର ଜାତୀୟ ରାଜପଥ ହଳଦୀପଦା ବାଇପାସ୍ ନିକଟରେ ଅଘଟଣ। ଡବ୍ଲୁବି ୨୩ ୯୫୫୬ ନମ୍ବର ବିଶିଷ୍ଟ ଏକ କୋଇଲା ବୋଝେଇ ଟ୍ରକର ଚକା ଫାଟି ରାସ୍ତା ପାର୍ଶ୍ଵ ବାଡ଼ରେ ଧକ୍କା ହେବା ଫଳରେ ସେଥିରେ ନିଆଁ ଲାଗିଯାଇଥିଲା। ଫଳରେ ପ୍ରାୟ ୩ଘଣ୍ଟା ଧରି ଉକ୍ତ ରାସ୍ତାରେ ଯାନବାହାନ ଚଳାଚଳ ପ୍ରଭାବିତ ହୋଇଥିଲା। କୋଇଲା ସହିତ ଟ୍ରକଟି ହୁତୁହୁତୁ ହୋଇ ଜଳୁଥିବା ଦେଖି ସ୍ଥାନୀୟ ଲୋକେ ବସ୍ତା ଥାନା ଓ ଅଗ୍ନିଶମ ବିଭାଗକୁ ଖବର ଦେଇଥିଲେ। ବହୁ କସରତ ପରେ ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିଥିଲେ ବି ଟ୍ରକଟି ସମ୍ପୂର୍ଣ୍ଣ ଜଳିଯାଇଛି। ଦୁର୍ଘଟଣା ବେଳେ ଟ୍ରକ୍ ଚାଳକ ଓ ହେଲପର ଫେରାର୍ ହୋଇ ଯାଇଥିଲେ। ଟ୍ରକଟି ତାଳଚେରରୁ କୋଇଲା ନେଇ ପଶ୍ଚିମବଙ୍ଗ ଯାଉଥିବା ଜଣାଯାଇଛି।