ଅଣାଛକରେ ଓଲଟିଲା ହାଇୱା, ଦୁର୍ଘଟଣାରୁ ଅଳ୍ପକେ ବର୍ତ୍ତିଲା ନିକଟସ୍ଥ ଘର
ହାଟଡିହି : ହାଟଡିହି ବ୍ଲକ୍ ଅଣା-ସମଣା ରାସ୍ତାର ଅଣା ଛକ ନିକଟରେ ଗୁରୁବାର ଦିନ ଏକ ହାଇୱା ଟ୍ରକ ଭାରସାମ୍ୟ ହରାଇ ଓଲଟି ପଡ଼ିଛି। ହାଇୱାଟି ଗିରିଗାଁ ଘାଟକୁ ଯାଉଥିବାବେଳେ ଅଣାଛକ ନିକଟରେ ଅସାବଧାନତାରୁ ଗାଡିଟି ରାସ୍ତା କଡକୁ ଓଲଟି ପଡିଛି । ଅଳ୍ପକେ ଏହାର ଡ୍ରାଇଭର ରକ୍ଷା ପାଇଯାଇଥିବାବେଳେ ଏକ ନଡିଆ ଗଛ ପାଇଁ ନିକଟରେ ଥିବା ଏକ ଘର ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛି।
Sambad is now on WhatsApp
Join and get latest news updates delivered to you via WhatsApp
ଦୁର୍ଘଟଣାପରେ ଅଣା ଗ୍ରାମରେ ଅସନ୍ତୋଷ ଦେଖା ଦେଇଥିଲା । ଅନେକ ଯୁବକ ରାସ୍ତାକୁ ଆସି ବାଲିଗାଡି ଚଳାଚଳ ବନ୍ଦ କରିଥିଲେ । ସେମାନଙ୍କ ଯୁକ୍ତି ଯେ ଏବେ ଶହଶହ ହାଇୱା ଗାଡି ସକାଳୁ ସନ୍ଧ୍ୟା ପର୍ଯ୍ୟନ୍ତ ଦ୍ରୁତ ଗତିରେ ବାଲି ପରିବହନ କରିବା ଦ୍ୱାରା ଏହି ରାସ୍ତାରେ ସାଧାରଣ ଲୋକେ ଯିବାକୁ ଭୟ କରୁଛନ୍ତି । ରାସ୍ତାର ଅଣା, ଡଙ୍କୁରୀ, ବଡରମ୍ପାସ, ଟୁକୁଣା, ସିମିଳିଆ ଆଦି ଗ୍ରାମରେ ରାସ୍ତା କଡ଼ରେ ସ୍କୁଲ ଗୁଡିକ ଥିବାରୁ ଏହି ରାସ୍ତାଦେଇ କୁନିକୁନି ଛୁଆମାନେ ସ୍କୁଲକୁ ଯାତାୟାତ କରୁଥିବାରୁ ଦୁର୍ଘଟଣାର ଆଶଙ୍କା ଦେଖା ଦେଉଛି । ତେଣୁ ସ୍କୁଲ ସମୟରେ ବାଲି ପରବହନ ବନ୍ଦ କରିବାକୁ ଗ୍ରାମବାସୀ ଦାବି କରିଛନ୍ତି।