ଟ୍ରକ ଚୋରି ରୢାକେଟ ପର୍ଦାଫାସ: ୩ ଗିରଫ
ବଡ଼ବିଲ: ଅନ୍ତଃରାଜ୍ୟ ଟ୍ରକ ଚୋରା ରାକେଟର ପର୍ଦ୍ଦାଫାସ କରିଛି ବଡ଼ବିଲ ପୁଲିସ। ରାକେଟର ୩ ଜଣଙ୍କୁ ପୁଲିସ ଗିରଫ କରିବା ସହିତ ସେମାନଙ୍କ ନିକଟରୁ ଦୁଇଟି ଟ୍ରକ ଜବତ୍ କରିଛି। ଚମ୍ପୁଆ ଉପଖଣ୍ଡ ଅନ୍ତର୍ଗତ ଦୁଇଟି ଥାନାରେ ଦୁଇଟି ପୃଥକ ପୃଥକ ଘଟଣାରେ ୩ ଅନ୍ତଃରାଜ୍ୟ ଗାଡ଼ି ଚୋରଙ୍କୁ ଗିରଫ କରାଯାଇଛି। ଗିରଫ ୩ ଜଣ ହେଲେ ବଡ଼ବିଲ ଥାନା ଅନ୍ତର୍ଗତ ମହାନ୍ତବସ୍ତିର ଅଲତାବ୍ ଖାନ(୨୭), ପଡୋଶୀ ଝାରଖଣ୍ଡ ରାଜ୍ୟ, ଜୟନୀଗଡ଼ ଥାନା, ଜଗନ୍ନାଥପୁର ଅଂଚଳର ଶେଖ୍ ପରବେଜ୍(୧୯) ଓ ଏମଡି.ଦାନିଶ୍(୧୯)। ଖବର ଅନୁଯାୟୀ ଗତ ଜାନୁଆରି ୧୫ ତାରିଖରେ ବଡ଼ବିଲ ଥାନା ଷ୍ଟେସନରୋଡ ସ୍ଥିତ ଅରୁଣ କୁମାର ସାହୁଙ୍କ ହାଇୱା(ଓଡି୧୬ସି-୧୦୧୧)କୁ କେହି ଚୋରି କରିନେଇଥିବା ଶ୍ରୀ ସାହୁ ବଡ଼ବିଲ ଥାନାରେ ଲିଖିତ ଅଭିଯୋଗ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଏନେଇ ବଡ଼ବିଲ ପୁଲିସ ପକ୍ଷରୁ କେସ ନମ୍ବର ୬/ ୧୫.୦୧.୨୦୨୨ ରେ ଏକ ମାମଲା ରୁଜୁ ହୋଇଥିଲା। ସେହିପରି ଗତ ଫେବ୍ରୁଆରି ୧୫ ତାରିଖରେ ଚମ୍ପୁଆ ଥାନା ଅଞ୍ଚଳରୁ ଅନ୍ୟ ଏକ ଟ୍ରକ(ଓଡ଼ି୦୪ଏନ୍-୫୫୨୨)କୁ ମଧ୍ୟ କେହି ଚୋରି କରିନେଇଥିବାନେଇ ଚମ୍ପୁଆ ଥାନାରେ ଲିଖିତ ଅଭିଯୋଗ ହୋଇଥିଲା। ଏହି ଚୋରା ରାକେଟ୍ କୁ ଠାବ କରିବାପାଇଁ ଜିଲ୍ଲା ଆରକ୍ଷୀ ଅଧୀକ୍ଷକ ମିତ୍ରଭାନୁ ମହାପାତ୍ରଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଚମ୍ପୁଆ ଓ ବଡ଼ବିଲ ଥାନା ଅଧକାରୀଙ୍କ ନେତୃତ୍ବରେ ଏକ ସ୍ବତନ୍ତ୍ର ପୁଲିସ ଦଳ ବିଭିନ୍ନ ସ୍ଥାନରେ ଚଢ଼ଉକରି ଆଜି ଉଭୟ ଚମ୍ପୁଆ ଓ ବଡ଼ବିଲ ଥାନା ଅଞ୍ଚଳରୁ ଚୋରି ହୋଇଥିବା ଦୁଇଟି ଟ୍ରକକୁ ଉଦ୍ଧାର କରିଛି। ଘଟଣାରେ ସଂପୃକ୍ତ ୩ ଜଣଙ୍କୁ ଗିରଫ କରାଯିବା ସହତ ସେମାନଙ୍କୁ ଆଜି କୋର୍ଟ ଚାଲାଣ କରାଯାଇଥିବା ବଡ଼ବିଲ ଥାନା ଅଧିକାରୀ ସୁଶାନ୍ତ କୁମାର ଦାଶ ସୂଚନା ଦେଇଛନ୍ତି।