ଦ୍ୱିତୀୟ କୋଣାର୍କ ପାଇଁ ପୁଣି ଅଣ୍ଟାଭିଡା, ଜମି କିଣା ଉପରେ ତଦନ୍ତ ହେବ
କୋଣାର୍କ: କୋଣାର୍କରେ ଦ୍ୱିତୀୟ ସୂର୍ଯ୍ୟ ମନ୍ଦିର ତିଆରି ପାଇଁ ଏକ ସଂସ୍ଥା ପୁଣି ଅଣ୍ଟା ଭିଡିଛି। ଉକ୍ତ ସଂସ୍ଥା ସରକାରଙ୍କଠାରୁ ଅନୁମତି ମାଗିବା ପରେ ଏହି ପ୍ରସଙ୍ଗ ଏକ ଭିନ୍ନ ମୋଡ ନେଇଛି । ଦ୍ୱିତୀୟ କୋଣାର୍କ ମନ୍ଦିର ତିଆରି ପାଇଁ ସୂର୍ଯ୍ୟମନ୍ଦିର ନିର୍ମାଣ ଅନୁଷ୍ଠାନ ଏକ ପ୍ରେସମିଟ୍ କରିଥିଲା ଏବଂ ସରକାରଙ୍କ ପକ୍ଷରୁ ଅନୁମତି ମଧ୍ୟ ମାଗିଥିଲା ।
Sambad is now on WhatsApp
Join and get latest news updates delivered to you via WhatsApp
ସାମ୍ବାଦିକ ସମ୍ମିଳନୀରୁ ଜଣାପଡ଼ିଛି ଯେ, ଓମ୍ ବାବା ନାମକ ଜଣେ ବ୍ୟକ୍ତି କୋଣାର୍କ ବସଷ୍ଟାଣ୍ଡ ପାଖରେ ପ୍ରାୟ ଦୁଇ ଏକର ଜମି କିଣିଥିଲେ । ତେବେ ଓମ୍ ବାବାଙ୍କର ମୃତ୍ୟୁ ହୋଇଯାଇଛି । ଏହି ଜମିରେ ଦ୍ୱିତୀୟ ମନ୍ଦିର ତିଆରି ପାଇଁ ଆଉ ଏକ ଅନୁଷ୍ଠାନ ଉଦ୍ୟମ କରୁଛି । ସେପଟେ ଏହି ମାମଲାରେ ପୁରୀ ଜିଲ୍ଲାପାଳ କହିଛନ୍ତି ଏହି ଜମିର ତଦନ୍ତ ପାଇଁ ରେଭିନ୍ୟୁ ଇନସପେକ୍ଟରଙ୍କୁ ଦାୟିତ୍ୱ ଦିଆଯାଇଛି । ଏହାପରେ କାର୍ଯ୍ୟାନୁଷ୍ଠାନ ହେବ । ଇତି ମଧ୍ୟରେ ଶୁଣିବାକୁ ମିଳୁଛି ଓମ୍ ବାବା କିଣିଥିବା ଦୁଇ ଏକର ଜମି ସରକାରୀ ଜମି ଏବଂ କିଛି ଲୋକ ସରକାରୀ ଜମିକୁ ଓମ୍ ବାବାଙ୍କୁ ବିକ୍ରି କରିଥିବା ଜଣାପଡିଛି ।