ମାରଣାସ୍ତ୍ର ଦେଖାଇ ସ୍କୁଟି ଲୁଟ୍, ୨ ଗିରଫ
ରାମଚନ୍ଦ୍ରପୁର : ୨୦ ନମ୍ବର ଜାତୀୟ ରାଜପଥ ହସନପୁର ଟୋଲ୍ପ୍ଲାଜା ନିକଟରେ ଗତକାଲି ରାତି ପ୍ରାୟ ସାଢେ ୧୦ଟାବେଳେ ମାରଣାସ୍ତ୍ର ଦେଖାଇ ଜଣେ ବ୍ୟକ୍ତିଙ୍କଠାରୁ ସ୍କୁଟି (ଓଡି-୦୯-ଟି-୦୫୭୬ ) ଓ ୫ ହଜାର ଟଙ୍କା ଲୁଟ୍ ଅଭିଯୋଗରେ ରାମଚନ୍ଦ୍ରପୁର ପୁଲିସ ଦୁଇଜଣଙ୍କୁ ଗିରଫ କରିଛି। ଅଭିଯୁକ୍ତମାନେ ହେଲେ ସାଇଁକୁଳ ଗ୍ରାମର ଜିତେନ୍ଦ୍ର ରଣା (୨୪) ଓ ସୁଶାନ୍ତ କୁମାର ବାରିକ।
Sambad is now on WhatsApp
Join and get latest news updates delivered to you via WhatsApp
ପ୍ରାପ୍ତ ସୂଚନା ଅନୁସାରେ, ଆନନ୍ଦପୁର ଥାନା ଖଡ଼ିପାଳ ଗ୍ରାମର ଅରୁଣ କୁମାର ନାୟକ ଗତକାଲି ରାତିରେ ଯାଜପୁର ରୋଡ୍ରୁ ଘରକୁ ଫେରୁଥିଲେ। ହସନପୁର ଟୋଲ୍ପ୍ଲାଜା ନିକଟରେ ଜିତେନ୍ଦ୍ର ଓ ସୁଶାନ୍ତ ତାଙ୍କୁ ଅଟକାଇ ମାରଣାସ୍ତ୍ର ଦେଖାଇ ସ୍କୁଟି ଏବଂ ୫ ହଜାର ଟଙ୍କା ଛଡ଼ାଇ ଦେଇଥିଲେ। ଏନେଇ ଅରୁଣ ରାମଚନ୍ଦ୍ରପୁର ଥାନାରେ ଏତଲା ଦେଇଥିଲେ। ପୁଲିସ କେସ୍ ନମ୍ବର ୬୭/୨୧ରେ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ ଗିରଫ କରିବା ସହ କୋର୍ଟଚାଲାଣ କରିଛି।