ଟ୍ରଲର ଧକ୍କାରେ ଦୁଇ ଭାଇ ମୃତ, ଘଟଣାସ୍ଥଳରେ ଉତ୍ତେଜନା

ଝାରସୁଗୁଡ଼ା: ଝାରସୁଗୁଡ଼ା ସହର ନିକଟସ୍ଥ ବଡ଼ମାଳ ଥାନା ଅଧିନରେ ଥିବା ଏସ୍ଏମ୍ସି ପାୱାର ପ୍ଲାଣ୍ଟ ଛକ( ବିଜୁ ଏକ୍ସପ୍ରେସ୍ ୱେ)ରେ ଆଜି ଦିନ ପ୍ରାୟ ୧୦ ଟା ସମୟରେ ଏକ ଲୁହା ପଥର ବୋଝେଇ ଟ୍ରଲର ( ଓଡ଼ି ୧୬ ଏଫ୍ ୮୫୦୭) ସେହି ରାସ୍ତାରେ ଯାଉଥିବା ଏକ ବାଇକ ( ଓଡ଼ି ୨୩ ଏଚ୍ ୬୩୩୯) କୁ ଧକ୍କା ଦେବା ଫଳରେ ଉଭୟ ବାଇକ ଆରୋହୀଙ୍କ ଘଟଣା ସ୍ଥଳରେ ମୃତ୍ୟୁ ଘଟିଛି। ମୃତକ ମାନେ ହେଲେ ତୁମ୍ବେକେଲା ଗ୍ରାମର ଦୁଇ ଭାଇ। ଜଣଙ୍କ ନାମ ଶାନ୍ତନୁ ଭଇଁଷା(୪୫) ଓ ଅନ୍ୟ ଜଣଙ୍କ ନାମ ଜଗନ୍ନାଥ ଭଇଁଷା (୪୨) ବୋଲି ଜଣା ପଡ଼ିଛି।

ଘଟଣା ସ୍ଥଳରେ ବଡ଼ମାଳ ପୁଲିସ ପହଞ୍ଚି ଟ୍ରଲରକୁ ଜବତ କରିଥିବା ବେଳେ ଟ୍ରାଇଭରକୁ ଅଟକ ରଖିଥିବା ପ୍ରକାଶ। ଘଟଣା ସ୍ଥଳରେ ଉତ୍ତେଜନା ପ୍ରକାଶ ପାଇଛି। ଏଣେ କ୍ଷତି ପୂରଣ ଦାବିରେ ଗ୍ରାମବାସୀମାନେ ସମ୍ବଲପୁର- ରାଉରକେଲା ବିଜୁ ଏକ୍ସପ୍ରେସ୍ ୱେକୁ ଅବରୋଧ କରିଥିବା ଜଣାଯାଇଛି।

ସମ୍ବନ୍ଧିତ ଖବର