ହରଭଙ୍ଗା: ବୌଦ୍ଧ ଥାନା ସାମ୍ପୋଚ ଗ୍ରାମରେ ଶନିବାର ରାତିରେ ପୂର୍ବ ଶତ୍ରୁତାକୁ କେନ୍ଦ୍ର କରି ଏକ ଜଘନ୍ୟ ହତ୍ୟାକାଣ୍ଡ ଘଟିଛି। ମୃତକ ଜଣକ ୩୮ବର୍ଷିୟ ସତ୍ୟ ନାରାୟଣ ସ୍ୱାଇଁ ବୋଲି ସୂଚନା ମିଳିଛି। ନିଜ ଘର ସାମ୍ନାରେ ଗ୍ରାମର ନିମାଇଁ ଥାଟି ଓ ଦୁର୍ଯ୍ୟୋଧନ ଥାଟି ଠେଙ୍ଗାରେ ପିଟିପିଟି ହତ୍ୟା କରିଥିବା ଅଭିଯୋଗ ହୋଇଛି। ପୁଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ବୌଦ୍ଧ ଆଣିଥିବା ବେଳେ ଅଭିଯୁକ୍ତ ଦୁଇ ଭାଇ ଘଟଣା ପରେ ଫେରାର ଥିବା ଜଣା ପଡ଼ିଛି।