ବଜ୍ରାଘାତରେ ଦୁଇ ମଇଁଷି ମୃତ
ପାଣିକୋଇଲି : ଗତକାଲି ବିଳମ୍ବିତ ରାତିରେ କାଳବୈଶାଖୀ ଝଡ଼ତୋଫାନରେ ବଜ୍ରପାତ ଯୋଗୁଁ ସାହାପୁରସ୍ଥିତ ମସୁଦପୁର ଖରସ୍ରୋତା ନଦୀକୂଳରେ ଦୁଇଟି ମଇଁଷିଙ୍କର ମୃତ୍ୟୁ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବ୍ରହ୍ମବରଦା ଥାନା ଅନ୍ତର୍ଗତ ମହେଶ୍ବରପୁର ଗ୍ରାମର ଚାହାଣି ଦାସଙ୍କ ପୁଅ ଉତ୍ସବ ମସୁଦପୁର ଖରସ୍ରୋତା ନଦୀକୂଳରେ ପ୍ରାୟ ୨୫ ଦିନ ହେଲା ୨୩ ଟି ମଇଁଷିଙ୍କୁ ନେଇ ଗୋଠ କରି ରହିଥିଲେ। ବିଳମ୍ବିତ ରାତିରେ କାଳବୈଶାଖୀ ପ୍ରଭାବରେ ବର୍ଷା ଏବଂ ପବନ ସହ ବଜ୍ରପାତ ହୋଇଥିଲା। ବଜ୍ରାଘାତରେ ୨୩ ଟି ମଇଁଷିଙ୍କ ମଧ୍ୟରୁ ଦୁଇଟି ମଇଁଷିଙ୍କ ମୃତ୍ୟୁ ହୋଇଥିଲା। ଆଜି ସକାଳେ ଏହା ଜଣାପଡ଼ିବା ପରେ ସ୍ଥାନୀୟ ଲୋକେ କୋରେଇ ପ୍ରାଣୀ ଚିକିତ୍ସା ଅଧିକାରୀଙ୍କୁ ଖବର ଦେଇଥିଲେ। ଖବର ପାଇ ଘଟଣାସ୍ଥଳରେ ବ୍ଲକ ପ୍ରାଣୀ ଚିକିତ୍ସା ଅଧିକାରୀ ପହଞ୍ଚି ତଦନ୍ତ କରିଥିଲେ।