ସେଲ୍ଟର୍ ହୋମ୍ରୁ ୨ ଶିଶୁ ନିଖୋଜ
ସମ୍ବଲପୁର: ସୋମବାର ବରଗଡ଼-ସମ୍ବଲପୁର ରାସ୍ତାରୁ ୨ ଜଣ ଶିଶୁଙ୍କୁ ଏବିଭିପିର କର୍ମକର୍ତ୍ତାମାନେ ଉଦ୍ଧାର କରି ପୁଲିସ୍ ସହାୟତାରେ ଚାଇଲ୍ଡ ଲାଇନ୍କୁ ହସ୍ତାନ୍ତର କରିଥିଲେ। ଚାଇଲ୍ଡ ଲାଇନ୍ ଉକ୍ତ ଶିଶୁଙ୍କୁ ନେଇ ମାନେଶ୍ବର ବ୍ଲକ ଧମା ଥାନା ଅନ୍ତର୍ଗତ ଗୋଳାବନ୍ଧର ଏକ ସେଲ୍ଟର ହୋମ୍ରେ ଛାଡ଼ିଥିଲା। ମାତ୍ର ସେଲ୍ଟର ହୋମ୍କୁ ଯିବାର ୧୦ ଘଣ୍ଟା ନହେଉଣୁ ଉକ୍ତ ୨ ଶିଶୁ ସେଠାରୁ ନିଖୋଜ ହୋଇଯାଇଛନ୍ତି। ଏନେଇ ସେଲ୍ଟର ହୋମ୍ ପ୍ରକଳ୍ପ ସଂଯୋଜକ ମନୋଜ ସାହୁ ଧମା ଥାନାରେ ଲିଖିତ ଅଭିଯୋଗ କରିଥିବା ସମୟରେ ପୁଲିସ୍ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି। ସେପଟେ, ଏହି ସେଲ୍ଟର ହୋମ୍ରୁ ୨ ଶିଶୁ କିଭଳି ନିଖୋଜ ହେଲେ,କୁଆଡ଼େ ଗଲେ ସେନେଇ କୌଣସି ସୂଚନା ମିଳିପାରିନାହିଁ। ତେବେ ଉକ୍ତ ୨ ନାବାଳକଙ୍କ ପରିଚୟ ମିଳିଥିବାରୁ ସେମାନଙ୍କ ପରିବାର ଲୋକଙ୍କୁ ଯୋଗାଯୋଗ କରି ଔରଙ୍ଗାବାଦରୁ ଡକାଯାଇଥିବା ସିଡବ୍ଲ୍ୟୁସି ଅଧ୍ୟକ୍ଷ ବ୍ରଜେନ୍ଦ୍ରକିଶୋର ପଣ୍ଡା କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ତେଣୁ ସେମାନଙ୍କୁ ନେଇ ଓପନ୍ ସେଲଟର ହୋମ୍ରେ ଛଡ଼ା ଯାଇଥିଲା ବେଳେ ସେଠାରୁ ସେମାନେ ନିଖୋଜ ହୋଇଯାଇଥିବା ସନ୍ଧ୍ୟାରେ ଜଣାପଡ଼ିଥିବା ଶ୍ରୀ ପଣ୍ଡା କହିଛନ୍ତି। ଉଲ୍ଲେଖଯୋଗ୍ୟ, ଏହି ୨ ନାବାଳକ ବରଗଡ଼ର ଏକ ଢାବାରେ କାମ କରୁଥିଲେ ଏବଂ ସେଠାରେ ତାଙ୍କୁ ନିର୍ଯାତନା ଦିଆଯାଉଥିବାରୁ ସେମାନେ ସୁଯୋଗ ପାଇଁ ଢାବାରୁ ଲୁଚି ପଳାଇ ଆସିଥିଲେ।